ހޫނުގަދަ ދުވަސްވަރު މޫނުގެ ހަންގަނޑު ހިކި ހަންގަނޑު ހަލާކުވާފަހަރު އާދެއެވެ. ގޭގައިވެސް އަމިއްލައަށް ފަރުވާދެވިދާނެއެވެ. މިގޮތުން ތިރީގައި މިވަނީ ހަންގަނޑު ރީތިކޮށް ސާފުކޮށް ބެހެއްޓުމަށް ކުރެވިދާނެ ކަންތައްތަކެވެ.
މާމުއި، ކިރު: 1 މޭޒުމަތީ ސަމުސާގެ މާމުއިއާއި 2 މޭޒުމަތީ ސަމުސާގެ ކިރު އެއްކުރުމަށްފަހު މޫނުގައި ހާކާލެވިދާނެއެވެ.
ޔޯގަޓް އަދި މާމުއި: 2 މޭޒުމަތީ ސަމުސާގެ ގްރީކް ޔޯގަޓް 1 މޭޒުމަތީ ސަމުސާގެ މާމުއިއާއި އެއްކުރުމަށްފަހު މޫނުގައި ހާކާލާށެވެ. 10-15 މިނިޓަށް ބަހައްޓަންވާނެއެވެ. އެއަށްފަހު ދޮވެލާށެވެ.
އަލޯވެރާ: އަލޯވެރާއަކީ މޫނުގެ ހަންގަނޑަށް ވަރަށް ރަނގަޅު އެއްޗެކެވެ.
ވިސްނަންވީ ކަންތައް:
މޫނުގެ ހަންގަނޑު ރީތިކުރުމަށް ތަފާތު ބާވަތްތައް ހާކާއިރު ލޮލަށް ވިސްނަންވާނެއެވެ. ލޮލުގެ އެންމެ ކައިރީގައި ނުހޭކުން ބުއްދިވެރިވާނެއެވެ.
އަމިއްލައަށް ތައްޔާރުކުރާ ބާވަތްތައްވެސް ހާކާފައި ބަހައްޓަން އެންމެ ރަނގަޅީ 10-15 ވަރަކަށް މިނިޓަށެވެ.
މޫނުގެ ހަންގަނޑު ސާފުކުރުމަށް މަޑުތުވާލިކޮޅެއްވެސް ބޭނުންކުރެވިދާނެއެވެ. ފިނިފެންފޮދަކުން ދޮވެލީމަ އިތުރަށް ތާޒާވާނެއެވެ.
މޫނުގެ ހަންގަނޑު ސާފުކުރުމަށް ހަފްތާއަކު އެއްފަހަރު ކުރިން ފާހަގަކޮށްފައިވާ ކޮންމެވެސް އެއްގޮތެއް ބޭނުންކުރެވިދާނެއެވެ. ގިނައިން ބޭނުންކުރުން ރަނގަޅެއް ނުވާނެއެވެ.
