އައު އަހަރު ފާހަގަކުރުމަށް ދުނިޔޭގެ އެކި މަންޒިލުތަކަށް އެތައް މިލިއަން މީހުން ޒިޔާރަތް ކުރެއެވެ. އައު އަހަރު ފާހަގަކުރާއިރު އެންމެ ގިނަ ބައެއްގެ ސަމާލުކަން ލިބޭ އެއް ތަނަކީ ދުނިޔޭގެ އަޖައިބުތަކުގެތެރޭގައި ހިމެނޭ ސީނު ކަރައިގެ ބޮޑު ފާރެވެ. މިއީ ޗައިނާއަށް ޒިޔާރަތް ކުރާ ފަތުރުވެރިންގެ މެދުގައި އެންމެ މަގުބޫލު އެއް މަންޒިލެވެ. މި އަހަރުވެސް ގިނަ އަދަދެއްގެ މީހުން ބޮޑުފާރުގައި އައު އަހަރުގެ އަލިވިލުން ބަލާލަން ވަނީ ގޮސްފައެވެ. ޗައިނާގެ ޒަމާންވީ އާދައެއް ކަމުގައިވާ ބޮޑުފާރުގައި އޮންނަ "ނިއު އިޔާ ސަން ރައިޒް" ބަލާލުމުގެ ހަރަކާތުގައި އެކިގައުމުތަކުގެ މީހުންނާއި ޗައިނާގެ އެކި ޕްރޮވިންސްތަކުގެ މީހުން ބައިވެރިވިއިރު 2000 އަށް ވުރެ ގިނަ އެތުލީޓުން ނުވަތަ މައުންޓެއިން ކްލައިމްބާރސް ބޮޑު ފާރަށް އެރިއެވެ. މިފަހަރު ޒީޓައިމްސް އިން މި ހިއްސާކޮށްލަނީ މި އަހަރުގެ ޖެނުއަރީ 1 ވަނަ ދުވަހު ޗައިނާގެ ބޮޑު ފާރުގައި އަޅުގަނޑުމެންގެ ލިޔުންތެރިއެއް ނަގާފައިވާ ފޮޓޯތަކެކެވެ. ޗައިނާގެ ބޮޑު ފާރަކީ ދުނިޔޭގެ އެންމެ ދުވަސްވީ އަދި އެންމެ ދިގު ފާރެވެ. ދުޝްމަނުންގެ ކިބައިން ރައްކާތެރިކަން ހޯދުމަށް ޗައިނާގެ އޭރުގެ ވެރިން ބިނާކުރި ފާރެކެވެ. 21،196 ކިލޯ މީޓަރުގެ ދިގުމިން ހުރި މި ފާރަކީ މިންގ ޑައިނަސިޓީގެ ޒަމާނުގައި ބިނާކުރަން ފެށި ފާރެކެވެ. މި ފާރަކީ 1897 ވަނަ އަހަރު ޔުނެސްކޯ ވޯލްޑް ހެރިޓޭޖް ލިސްޓުގައި ހިމަނާ ހިމާޔަތް ކޮށްފައިވާ ދުނިޔޭގެ އާސާރީ ބިނާއެކެވެ.