ފިރިންނަށް މީރު ކާއެއްޗެހި ތައްޔާރުކޮށްދިނުމަކީ އަނބިން ފިރިންދެކެ ވާލޯބި ދައްކުވައިދޭ ކަމެކެވެ. ނަމަވެސް ކިތަންމެ ވަރަކަށް މީރުހާ އެއްޗެހި ކައްކައިދިން ނަމަވެސް އެކަން ބަލައިނުގަންނަނަމަ އެކަމަކީ ބޭކާރު ކަމެއްކަމުގައި ދެކެން ފެށުމަކީ އެކަށީގެންވާ ކަމެކެވެ. މިގޮތަށް ކަންތައް ދިމާވުމުން އޭނާ ރުޅިވެރިކަން އިސްކުރުމުގެ ބަދަލުގައި ކުރިން ކުރިގޮތަށް ކަންކަން ނުކުރަން ފެށުމުން ފިރިމީހާގެ ކިބައިން ފެނިގެންދިއައީ ހީވެސްނުކުރާ ކަހަލަ މަންޒަރެކެވެ.
އަނބިމީހާ ކޮންމެ ދުވަހަކުވެސް ފިރިމީހާއަށް މީރުހާ އެއްޗެއް ގަޑިއަށް ތައްޔާރުކޮށްދެއެވެ. ހެނދުނުގެ ނާސްތާ އޮފީހަށް ދިއުމުގެ ކުރިން ތައްޔާރުކޮށްދިނުމުގެ އިތުރަށް މެންދުރު ކެއުންވެސް ގަޑިއަށް ތައްޔާރުކޮށްދެއެވެ. ކޮންމެ ވަގުތެއްގައިވެސް ކައި ނިމިގެން ހަމައެކަނި "ޝުކުރިއްޔާ" މިހެން ބުނެލުން އެއީ އެންމެ ބޭނުންވާގޮތަކަށް އަނބިމީހާއަކަށް ނުވިއެވެ. އެންމެ ފުރަތަމަ ހީކުރެވުނީ ޝުކުރިއްޔާއޭ ބުނުމަކީ ކައިވެނިކޮށްގެން އުޅޭ މީހުން އާންމު އުސޫލުން ކުރާކަމެއް ކަމަށެވެ.
ދެމަފިރިން އެކުގައި ބޭރަށްގޮސް ރެސްޓޯރެންޓްތަކުން ކެއުމަށްފަހު އެ ކެއުންތަކުގެ މީރުވާހަކަ އަބަދުވެސް ފިރިމީހާ ދައްކައެވެ. ނަމަވެސް އަނބިމީހާ ކައްކާއެއްޗެހި މީރުވެގެން އެކާއެއްޗަކަށް ދުވަހަކުވެސް ތައުރީފު ނުކުރެއެވެ. އެކަމާ ހިތްހަމަނުޖެހިގެން ހުއްޓާ އެއްދުވަހަކު ފިރިމީހާއަށް އޮފީސް ނިންމާލުމަށްފަހު ގެއަށް އާދެވުނީ ވަރަށް ލަހުންނެވެ. އޭނާ އައުމުގެ ކުރިން ކެއުމަށްފަހު އަނބިމީހާ އިނީ ސޯފާގައެވެ. ފިރިމާހާ ރޭގަނޑުގެ ކެއުން ތައްޔާރު ނުކުރަނީހޭ ސުވާލުކުރިއެވެ. ޖަވާބުގައި "އަހަރެން ވަރުބަލިވެއްޖެ" ކަމަށް އަނބިމީހާ ބުންޏެވެ. އެހެން ބުނުމުން ފިރިމީހާއަށް ލިބުނީ ކުއްލި ހައިރާންކަމެކެވެ. ޖެހިގެން އައި ހަފްތާގައިވެސް އަނބިމީހާ ކަންތައްކުރީ އެހެންނެވެ.
ދުވަސްކޮޅެއް ފަހުން ފިރިމީހާއަށް ވިސްނިގެން އެއްދުވަހަކު ފިރިމީހާ ބުންޏެވެ. އަހަރެންގެ އަންހެނުން ކައްކާ އެއްޗެހީގެ ރަހަމީރުކަން މި އިހުސާސްކުރެވުނީ އެކަންބީވެ ދިއުމުންނެވެ. އެހެން ބުނި އަޑުއިވި އަނބިމީހާ ހައިރާންވިއެވެ. އޭގެ ފަހުން ހުރިހާކަމެއް ތަފާތުވެގެންދިޔައެވެ. ފިރިމީހާ އަމިއްލައަށް ގޭގައި ތަފާތު ރެސިޕީތައް ތަޖުރިބާކޮށް ކާތަކެތި ތައްޔާރުކުރަން ފެށިއެވެ. ބައެއްފަހަރު ރޭގަނޑުގެ ކެއުންވެސް ތައްޔާރުކޮށް ހަދައެވެ. މީރުކޮށް ކެއްކުމަކީ އަންހެނުންގެ އިތުރަށް ފިރިހެނުންނަށްވެސް ކުރެވިދާނެ ކަމެކެވެ.
