ވަރލްޑް ކަޕްގެ ފޯރި ދުނިޔޭގެ އެކި ކަންކޮޅުތަކުގައި ގަދަވެފައިވާއިރު މިފަހަރު ކުޅޭ އެއްޓީމުގެ ފާހަގަކުރެވޭ ކެއުމަކަށް ބަލާލަމާ ހިނގާށެވެ. ކަޑައިފް އަކީ ބޮސްނިއާގެ ކެއުންތަކުގެ ތެރެއިން ފާހަގަކޮށްލެވޭ، ވަރަށް ފަޚުރުވެރި ތާރީޚެއް އޮތް ފޮނިކާއެއްޗެކެވެ. މިއީ ފުށާއި ވޯލްނަޓް ބޭނުންކޮށްގެން ތައްޔާރުކުރާ މީރު އެއްޗެކެވެ. މި ކެއުން އާންމުކޮށް ތައްޔާރުކުރަނީ ބަޓަރު އުނގުޅާފައިވާ ފުށްގަނޑުގެ ދެމެދުގައި ނަޓްސްގެ ފަށަލައެއް ހިމަނައިގެންނެވެ.
ފިހެ ނިމުމުން، މީގެ މައްޗަށް ލުނބޯ ހުތާއި ހަކުރު އެއްކޮށްގެން އަޅައެވެ. ރަހަ އިތުރަށް ފުރިހަމަކުރުމަށްޓަކައި، ބައެއް ފަހަރު ކަޑައިފް ތައްޔާރުކުރާއިރު ފޮނިތޮށި ނުވަތަ ކަރަންފޫ ފަދަ ތަކެތި ބޭނުންކުރެއެވެ.
ކަޑައިފްގެ އަސްލަކީ ތުރުކީވިލާތުގެ ކެއިންބުއިމުގެ ސަގާފަތް ކަމުގައި ވީނަމަވެސް، މިއަދު މިއީ ބޮސްނިއާގެ އަމިއްލަވަންތަ ރަހައެއްގެ ގޮތުގައި މުޅި ދުނިޔެއަށް މަޝްހޫރުވެފައިވާ އެއްޗެކެވެ. ޚާއްސަ މުނާސަބަތުތަކުގައި ބޭނުންކުރާ މި ފޮނިކާތަކެތި، ކޮފީއަކާއެކު އިންސާފުކުރުމުން އޭގެ ރަހަ ވަރަށް ބޮޑަށް ފުރިހަމަވެގެންދެއެވެ.
މަސްދަރު: ޓޭސްޓްއެޓްލަސް
