ވިސްނާށޭ... =މި ޅެން ނަގާފައިވަނީ ފަތްތޫރައިން =
1- ދުވަސްވީ މީހުނާމެދުގައި އަޅާލައި ލޯބި ދޭންވާނޭ
އެވެސް މުޖުތަޢުގައި ބޭނުން ހިފޭ ބަޔަކަށް ހަދަންވާނޭ
2- އެކަނި ޙާލާ ނުއުޅެވޭވަރު ވެފައި ބަލިޙާލުގައި ވާއިރު
އެކަނިވެރިކޮށް ނުލާ، ބާކީ ނުކޮށް ރަނގަޅަށް ބަލަންވާނޭ
3- އެދޭނޭ ކޮންމެ މީހަކުވެސް އެހީތެރިކަން ލިބުން ލޯތްބާ
ތެދޭހަމަ އެންމެ ކުޑައިރުހެން އަބަދުވެސް އެދެވެމުންދާނޭ
- އެކީ ގުޅިގެން މަސައްކަތުގައި އުޅުނު ރަޙުމަތްތެރިން އިހުގައި
އެ ޙާލަތުގައި ތިބޭއިރުގައި ދެކެން ގޮސްލައި އުޅެންވާނޭ
- ގެޔާ އަދި އާއިލާގެތެރޭން އެދޭ ލޯތްބާ އެހީ ލިބުމުން
ޙަޔާތުގެ ދައުރު ނިމިދާންދެން އުފަލުގައި ދެމިތިބެވި ދާނޭ
- ސުވާލުތައް:
1- ފުރަތަމަ ބައިތުގައި އެބުނާ "އަޅާލައި ލޯބިދޭންވީ" ކޮންބަޔަކަށް ހެއްޔެވެ؟
_____________________________________________________________________
2- ޅެމުގެ ދެވަނަ ބައިތުގައި އެވާ އެކަނި ހާލަށް ނޫޅެވޭ މީހުންނަށް ކޮށްދެވިދާނެ ކަމެއް ލިޔާށެވެ!
______________________________________________________________________
3- ހަރަތު ވަނަ ބައިތުގައި އެ ބުނާ، ގުޅިގެން އެކުގައި މަސައްކަތްކުރަން އުޅުނީ ކޮންބަޔަކާ އެކުގައި ކަން ބުނެދޭށެވެ!
______________________________________________________________________
4- ޙަޔާތުގެ ދައުރު ނިމިދާންދެން އުފަލުގައި އުޅެވިދާނެކަމަށް އެ އިޝާރާތްކުރަނީ ކޮންބަޔަކަށް ހެއްޔެވެ؟
______________________________________________________________________
5- "ވިސްނާށޭ" މި ނަން ޅެމަށް ދީފައި އެވަނީ، ކީއްވެކަން އަމިއްލަ ވިސްނުމުން ބުނެދޭށެވެ.!
______________________________________________________________________
6- ޅެން ކިޔުމަށްފަހު، ރަނގަޅު ޖުމުލާގައި ރަނގަޅުފާހަގަ ނުބައި ޖުމުލާގައި ނުބައިފާހަގަ ޖަހާށެވެ!
ހ- ކުޑައިރުވެސް ލޯތްބާ އަޅާލުން ލިބެންވާނެއެވެ.
ށ- ދުވަސްވީ މީހުނަށް ހަމައެކަނި ކާއެތިކޮޅު ދިނުމުން ފުދުނީއެވެ.
ނ- އެކަނިޙާލާ ނޫޅެވޭ މީހުން ބާކީކޮށްލުން އެންމެ ރަނގަޅުވާނެއެވެ.
ރ- އާއިލާގެ ލޯތްބާ އަޅާލުން ލިބުމުން އުފަލުގައި ދެމި ތިބެވޭނެއެވެ.
ބ- ދުވަސްވީ މީހުންނަކީ، މުޖުތަޢުގައި ވަރަށް ބޭނުންތެރި ބަޔެކެވެ.
ނޯޓް: ޙުސްނާ ފަހްމީ (ހުސްނާ މިސް) އަކީ، ރާއްޖޭގެ ތަޢުލީމީ ދާއިރާގައި 42 އަހަރަށް ވުރެ ގިނަ ދުވަހު އިޚުލާޞްތެރި ޚިދުމަތްތަކެއް ކުރައްވާފައިވާ ކަނބަލެކެވެ. އަދި މެދުނުކެނޑި 37 އަހަރަށް ވުރެ ގިނަ ދުވަހު ދިވެހި ދައުލަތައް ޚިދުމަތްކުރައްވާފައި ވާތީ، ރައިސުލްޖުމްހޫރިއްޔާ ދެއްވާ ދައުލަތަށް ގިނަ ދުވަހު ޚިދުމަތް ކުރުމުގެ އިނާމު 2021 ވަނަ ލިބިވަޑައިގަތުމާއެކު 2023 ވަނަ އަހަރު ރެހެންދި އެވޯޑް ލިބިވަޑައިގެންފައިވެއެވެ. ހިތްވަރު ދިނުމުގެ ޤައުމީ އިނާމު ހުސްނާއަށް ލިބިވަޑައިގެންނެވީ 2025 ވަނަ އަހަރު އެވެ. ޙުސްނާ ފަހްމީ "އަރާކުރި" ސީރީސް ގެ ނަމުގައި ދިވެހިބަހުގެ ހަތަރު ހުނަރަށް އަމާޒުކުރައްވައިގެން ނާސަރީ ކުދިންނަށް ޚާއްޞަ ދިވެހިބަހުގެ އަކުރުތަކާއި ފިލިތަކާއި ސުކުންތައް ދަސްކޮށްދޭ ފޮތްތަކުން ފެށިގެން ޕްރައިމަރީ އަދި މެދުމަދަރުސީ ގްރޭޑްތަކުގެ ކުދިންނަށް ޚާއްޞަކޮށްގެން ޢިބްރަތްތެރި އަދި މަޖާ ކުރު ވާހަކަތަކާއި، މަސައްކަތު ފޮތްތަކާއި، ވާހަކަ ދޭހައާއި ކިޔުމުގެ ދޭހައިގެ ފޮތްތަކުގެ އިތުރުން އުފެއްދުންތެރި ލިޔުމުގެ ފޮތްތައް ހިމެނޭނޭހެން 40 ފޮތެއް މިހާތަނަށް ނެރެ އާންމުކުރައްވާފައިވެއެވެ.
