ބާރުގަދަ ތޫފާނެއް ކަމުގައިވާ 'ދިތުވާ' އާއި ގުޅިގެން އަވަށްޓެރި ސްރީލަންކާއަށް ކުރަމުންދާ ވިއްސާރައިގައި ބޮޑެތި ގެއްލުންތަކެއްވެ މީހުން މަރުވެ އެތައްބަޔަކު ހާލުގައި ޖެހިފައިވާތީ، އެޤައުމަށް އެހީތެރިވުމުގެ ގޮތުން ޕީއެސްއެމް އާއި މީޑިއާތައް ގުޅިގެން ކުރިއަށްގެންދާ ޓެލެތޯނަށް މިހާތަނަށް 2 މިލިއަނަށްވުރެ ގިނަ ރުފިޔާ ލިބިއްޖެއެވެ.
މިއަދު ހަވީރު 05:00 އާއި ހަމައަށް 1،676،007.04 ރުފިޔާ އާއި 37،502 ޑޮލަރު ވަނީ ލިބިފައެވެ.
މިއަދު ހެނދުނު 9 ޖެހިއިރު ފެށި ޓެލެތޯން ކުރިއަށްގެންދިއުމަށް ހަމަޖެހިފައިވަނީ މިރޭ މެންދަމު 1 ޖެހުމާއި ހަމައަށެވެ.
އޮންލައިންކޮށް ފައިސާ ޓްރާންސްފަރ ކުރެވޭނެ
މާލެ، ހުޅުމާލެ، ވިލިމާލެ އެކި ސަރަހައްދުތަކުގައި ފަންޑުފޮށި ވަނީ ބެހެއްޓިފައި
ޓެލެތޯނަށް ލިބޭ ފައިސާ ޖަމާކުރުމަށް ޚާއްސަ އެކައުންޓެއް ވަނީ ހުޅުވާފައެވެ. އެއީ ދިވެހި ރުފިޔާ އެކައުންޓު ނަންބަރު: 7730000796107 އަދި ޑޮލަރު އެކައުންޓު ނަންބަރު 7730000796106 އެވެ.
މި ޓެލެތޯނަށް މިހާތަނަށް އެންމެ ބޮޑު އަދަދަކުން އެހީވި ކުންފުނީގެ ތެރޭގައި ކްރައުން އެންޑް ޗަމްޕާ ކުންފުނި ހިމެނެއެވެ. 10،001 އެމެރިކާ ޑޮލަރު އެކުންފުނިން ވަނީ ހަދިޔާކޮށްފައެވެ.
"ސިލޯނާއެކު ދިވެހީން" ޓެލެތޯނަށް ބޭންކް އޮފް މޯލްޑިވްސް، ބީއެމްއެލްގެ ފަރާތުންވެސް ވަނީ 25،000 ޑޮލަރު ހަދިޔާ ކޮށްފައެވެ. އަދި ސަރުކާރުގެ އެކި ކުންފުނިތަކާއި އަމިއްލަ ފަރާތްތަކުން ވެސް ދަނީ އެހީތެރިކަން ފޯރުކޮށްދެމުންނެވެ.
