ނ.ފޮއްދޫ އަށް އުފަން 11 އަހަރުގެ އަލީ ރާހިލް އަކީ ކުޑައިރުއްސުރެ ހަމުގެ މައްސަލަ ވަރަށް ބޮޑަށް ދިމާވެ އެކްޒީމާ ބައްޔަށް ފަރުވާ ހޯދަމުން އަންނަ ކުއްޖެކެވެ. ރަނގަޅަށް ހަމަނިދި ނުލިބި ހިރުވާވަރުން ސްކޫލަށް ވެސް ދެވެނީ ވަރަށް މަދު ދުވަހެއްގައެވެ. ރާއްޖެއިން ލިބެން ނެތް ފަރުވާއެއް ހޯދުމަށް އާސަންދައިގެ ދަށުން އިންޑިއާ އަށް ރާހިލް ގޮވައިގެން ފުރުމަށް ހަމަޖެހިފައިވަނީ މިމަހު 20 ވަނަ ދުވަހުގައެވެ. އިންޖެކްޝަން ޖެހުމަށް އިންޑިއާގައި ހޭދަވާ މުއްދަތުގައި އިތުރު ޚަރަދުތައް ހިނގާނެތީ މާލީތަނަވަސްކަން އެވަރަށް ނެތުމުން އާއިލާއިން އެދެނީ ފަރުވާ ފުރިހަމަކުރުމަށް އާންމުންގެ އެހީތެރިކަމަށެވެ.
ނޯޓް: މިއީ އާންމުންގެ އެހީތެރިކަމާއެކު 'ޒީޓައިމްސް' އިން ބޭސްފަރުވާއަށް އެހީވެދޭ 61 ވަނަ އާއިލާއެވެ. އިންސާނިއްޔަތަށްޓަކައި ކުރާ މިމަސައްކަތުގައި ކިޔުންތެރިން ދެއްވާ އެއްބާރުލުމަށް ޝުކުރު އަދާކުރަމެވެ. މިގޮތަށް ލިބޭ އެހީ ޖަމާވާނީ ބަލިމީހާގެ އެކައުންޓަށެވެ. މި ޢާއިލާ އަށް އެހީ ލިބިފައިވާތީ، ކުރިން ހިމަނަައިފައިވާ އެކައުންޓުު ނަންބަރު ވާނީ އުނިކޮށްފައެވެ. ޝުކުރިއްޔާ!
