ހެނދުނުގެ ނާސްތާގެ ގޮތުގައި ކާލަންވެސް، ނުވަތަ ބަލި ހާލަތަކާއި ކުރިމަތިވި ކަމުގައި ވިޔަސް، ތަލްބީނާއަކީ ހަށިގަނޑަށް ފައިދާހުރި އަދި ހިތަށް ހަމަޖެހުމާއި ރައްކާތެރިކަން ގެނެސްދޭ، ސުންނަތުން ސާބިތުވާ ވަރަށް ފައިދާހުރި މީރު ކާނާއެކެވެ.
ބޭނުންވާ ތަކެތި (2 - 3 ފަހަރަށް ވާވަރަށް)
1/2 ޖޯޑު ބާރލީ ފުށް (Barley Flour)
4 ޖޯޑު ކިރު (ނުވަތަ ފެން/ދެބައި އެއްކޮށް)
މައްޗަށް އަޅާނެ ތަކެތި (Toppings):
2 - 3 ސަމުސާ މާމުއި (ނުވަތަ ރަހަލާވަރަށް)
3 ކަދުރު (ކުދިކޮށް ކޮށާފައި)
ކުޑަ ފޮނިތޮށި ކުނޑިކޮޅެއް
ކޮށާފައިވާ އަލްމަންޑް، ޕިސްތާޝިއޯ ނުވަތަ ވޯލްނަޓްސް
އޮށްތައް (ޗިއާ، ފްލެކްސް، ބަރަބޯއޮށް)
ތައްޔާރުކުރާނެ ގޮތް
ތެއްޔަކަށް ބާރލީ ފުށާއި ކިރުޖޯޑެއް އަޅައި، ގަނޑުނުވާނެހެން ރަނގަޅަށް ގަނޑުފިލުވާލާށެވެ.
ބާކީހުރި ކިރުތައް އަޅައި، މެދުގިނީގައި، މެދުކެނޑުމެއްނެތި އެއްކުރަމުން ކައްކާށެވެ.
އޮލަވެ އޮމާންވަންދެން ކައްކަމުންގޮސް އޮލަވުމުން ގިނި މަޑުކޮށްލާށެވެ.
މާމުއިކޮޅުގެ ދެބައިކުޅަ އެއްބައި އަދި ކޮށާފައިވާ ކަދުރުގެ އެއްބައި އަޅައި ރަނގަޅަށް އެއްކޮށްލާށެވެ.
ކައްކައި ނިމުމުން ތަށިތަކަށް އަޅައި، މައްޗަށް ބާކީހުރި ކަދުރުކޮޅާއި، ބަދަނާއި، އޮށްތައް އަޅައި ބާކީވާ މާމުއިފޮދު ރީތިގޮތަކަށް ބުރުވާލުމުން ތަލްބީނާ ތައްޔާރުވީއެވެ.
ކީރިތި ރަސޫލާ ﷺ ޙަދީޘް ކުރައްވާފައިވެއެވެ: "ތަލްބީނާއަކީ ބަލިމީހާގެ ހިތަށް ހަމަޖެހުން ގެނެސްދީ، އޭނާގެ ހިތާމަތަކުގެ ބައެއް ފިލުވައިދޭ އެއްޗެކެވެ." (ޞަޙީޙު އަލްބުޚާރީ 5417).
މިއީ ހިތާމައެއް ނުވަތަ ބަލިމަޑުކަމެއް ދިމާވާހިނދުގައި، ނުވަތަ ހިތަށް ރާޙަތެއް ބޭނުންވާ ކޮންމެ ވަގުތަކުވެސް ނަފްސަށް ލިބޭނެ މީރު، ހޫނު އަދި އޯގާތެރި އުފަލެކެވެ.
