ކުކުޅުމަސްކޮޅަށް ބޭނުންވާތަކެތި:
350ގ ބޯންލެސް ޗިކަން (ކޮށާފައި)
1 މޭޒުމަތީ ސަމުސާ ލޮނު
1 މޭޒުމަތީ ސަމުސާ ތެޅިމިރުސް
½ މޭޒުމަތީ ސަމުސާ އަސޭމިރުސް
2 މޭޒުމަތީ ސަމުސާ ކޯންފްލަރ
1 މޭޒުމަތީ ސަމުސާ އާދައިގެ ފުށް
1 މޭޒުމަތީ ސަމުސާ ހިމުންކޮށްފައިހުރި ލޮނުމެދު
1 މޭޒުމަތީ ސަމުސާ ހިމުންކޮށްފައިހުރި އިނގުރު
½ މޭޒުމަތީ ސަމުސާ ސޯޔާސޯސް
1 ބިސް
ތައްޔާރުކުރާނެ ގޮތް:
ލޮނު، ތެޅިމިރުސް، އަސޭމިރުސް، ކޯންފްލަރ، ފުށް، ލޮނުމެދު ޕޭސްޓް، އިނގުރު ޕޭސްޓް އަދި ސޯޔާސޯސް އާއި ބިސް މިހުރިހާ ބާވަތެއް ރަނގަޅަށް އެއްކޮށްލާފައި ކުކުޅުމަސްކޮޅުގައި ހާކާލާށެވެ. އެއަށްފަހު 30 މިނިޓްވަންދެން ބަހައްޓާށެވެ.
2 މޭޒުމަތީ ސަމުސާ ޓޮމާޓޯ ޕޭސްޓް، 2 މޭޒުމަތީ ސަމުސާ ޗިލީ ސޯސް އަދި ½ މޭޒުމަތީ ސަމުސާ ސޯޔާސޯސް މިތިން ބާވަތް ވަކިން ތައްޓެއްގައި އެއްކޮށްފައި ބަހައްޓާށެވެ.
1 މޭޒުމަތީ ސަމުސާ ކޯންފްލަރ އަށް 3 މޭޒުމަތީ ސަމުސާގެ ފެން އެޅުމަށްފަހު ވަކިން ތައްޓެއްގައި ބަހައްޓާށެވެ.
ތަވާއަށް ތެޔޮ އެޅުމަށްފަހު ތެޔޮފޮދު ހޫނުވުމުން ކުކުޅުމަސްކޮޅު އަޅާފަ ތެލުލާށެވެ. ކުޑަކޮށް ރަތްކުލަ އަރަންދެން ތެލުލުމަށްފަހު ނަގާށެވެ.
އެހެން ތަވައަކަށް ތެޔޮފޮދެއް އެޅުމަށްފަހު ހޫނުވުމުން 2 މޭޒުމަތީ ސަމުސާ ހިމުންކޮށް ކޮށާފައިހުރި ލޮނުމެދު އަޅާށެވެ. 1 މިނިޓް ވަންދެން މަޑުގިނީގައި ލޮނުމެދުކޮޅު ރަތްކުލަ އަރަންދެން މަޑުމަޑުން ދޭފަތުން އެއްކުރަމުން ދާށެވެ. އެއަށްފަހު 1 ޖޯޑު ކެޕްސިކަމް، ½ ޖޯޑު ފިޔާ (ފިޔައެއް ހަތަރުފަޅިއަށް ކޮށާފައި) އަޅާށެވެ. އިރުކޮޅެއްވަންދެން ދޭފަތުން އެއްކުރަމުން ކައްކާފައި ކުކުޅުމަސްކޮޅު އަޅާށެވެ. މަޑުގިނީގައި 2 މިނިޓްވަރު ކައްކާށެވެ. އެއަށްފަހު ކުރިން ތައްޔާރުކުރި ސޯސް އެޅުމަށްފަހު އަނެއްކާ 1 މިނިޓް ކައްކާފައި ކުރިން ފެންއަޅައިގެން ތައްޔާރުކުރި ކޯންފްލަރ ވެސް އަޅާށެވެ. އަނެއްކާ 2 މިނިޓްވަރު ކައްކާލާށެވެ. ވަރަށް މީރު ވާނެއެވެ.
