ފަހަކަށް އައިސް ކުއްލި މަރުން މަރުވާ މީހުންގެ ވާހަކަ ކަންބޮޑުވުމާއެކު ސޯޝަލް މީޑިއާގައި ހިއްސާކުރާ މީހުން މަދެއް ނޫނެވެ. ކުއްލިމަރުތަކުގެ ފަހަތުގައިވާ ސިއްހީ ސަބަބު ބަލަން ބޭނުންވާ މީހުން ގިނައެވެ. ރާއްޖޭގައި ހާޓްއެޓޭކް، ސްޓްރޯކް އަދި ކެންސަރު ފަދަ ބަލިތަކުގައި މަރުވާ މީހުންވެސް ގިނަ އަދަދަކަށް އުޅޭއިރު މިއަދު މިއީ މިކަންބޮޑުވުންތައް އިތުރުވި ދުވަހެކެވެ. މިފަދަ ކޮންމެ މަރަކުންވެސް ހަނދާންކޮށްދެނީ މަރަށް ތައްޔާރުވެތިބުމުގެ މުހިންމުކަމެވެ.
މިއަދު ހެނދުނު އެންމެ ފުރަތަމަ ކުއްލިމަރަކުން މަރުވެފައިވަނީ ހދ. ކުޅުދުއްފުށީ ލަތީފީމަންޒިލް، އުމުރުން 16 އަހަރުގެ ޝަޒްފާ އަބްދުﷲ އިބްރާހީމް އެވެ. ރަށު ސްކޫލުގެ ގުރޭޑު 10 ގައި ކިޔަވަމުންދިޔަ ޝަޒްފާ އަކީ އޭނާގެ މަންމަގެ ހުރި ހަމައެކަނި ދަރިފުޅުކަމަށް ވަނީ މައުލޫމާތު ލިބިފައެވެ.
އެއަށްފަހު މިއަދު ވަނީ އުމުރާގެ އަޅުކަމަށްފަހު އިއްޔެ ރާއްޖެ އައި ފުވައްމުލައް ސިޓީ އަށް ނިސްބަތްވާ އަހުމަދު ލަތީފު ކުއްލިގޮތަކަށް ނިޔާވެފައެވެ. އޭނާ ނިޔާވެފައިވަނީ ރާއްޖެ އައިސް ޗުއްޓީއަށް އއ. ތޮއްޑޫއަށް ގޮސްގެން އުޅެނިކޮށެވެ.
ކުއްލި މަރު އާންމުވަމުންދާ ސަބަބު ހޯދުމަށް ބައެއް ފަރާތްތަކުން ސޯޝަލް މީޑިއާގައި ދަނީ ގޮވާލަމުންނެވެ. ރާއްޖެ ފަދަ ކުޑަ އާބާދީއަކަށް ބަލާއިރު މިފަދަ މަރުތަކުގެ އެކަށީގެންވާ ސަބަބު ނުހޯދިއްޖެނަމަ އާންމުންގެ ކަންބޮޑުވުން އިންތިހާއަށް އިތުރުވުމުގެ ފުރުސަތު އޮތްކަމަށް އެފަދަ ފަރާތްތަކުން ދަނީ ބުނަމުންނެވެ. މިއީ ބޭނުންކުރާ ކާބޯތަކެތި ނުވަތަ ކޮވިޑް ވެކްސިން ނޫނީ ބޭހެއްގެ ސަބަބުން ވާކަމެއްތޯ ބެލުން މުހިންމު ކަމަށް އެފަދަ ފަރާތްތަކުން ވަނީ ބުނެފައެވެ.
ކިޔުންތެރިންގެ ހިޔާލު
ކުއްލި މަރު ގިނަވާ މައްސަލައިގެ ޙަގީގަތް ނުބަލާ ތިބުމަކީ ޢާބްމު ރައްޔިތުންގެ މެދުގައި ވަރަށްބޮޑު ކަންބޮޑުވުމެއް އޮތް ސީރިއަސް ކަމަކަށްވާތީ، ސިއްޙީ ވުޒާރާއިން “ކޯޒް އޮފް ޑެތް” ދެނެގަތުމަށްޓަކައި ކުރަންޖެހޭ ކަންކަން އަވަސްމިނެއްގައި ކުރާންޖެހެއެވެ. ޓެކްނޯލޮޖީ ކުރިއަރާފައިވާ މިންވަރުން ބެލެންހުރި އެންމެ ފުރިހަމައަކަށް ބަލައި، ޢާންމުންނަށް ޙަގީގަތް ހާމަކުރާނަމަ، އެ މަރުޙޫމުންގެ ޢާއިލާތަކާއި އަދި ރައްޔިތަށް ބޮޑު ތަސައްލީއެއް ލިބިގެން ދާނެކަން ޔަގީނެވެ.
ކޮމެންޓްސް ބަންދުކުރެވިފައި