ވެލާނާ އިންޓަނޭޝަނަލް އެއާޕޯޓް (ވީއައިއޭގެ) އާ ފަސިންޖަރު ޓާމިނަލް، ޓާމިނަލް 1 އިން ޗައިނާގެ އެންމެ ބޮޑު އެއް އެއާލައިން، ޗައިނާ އީސްޓާން އެއާލައިންސަށް ޚިދުމަތް ދޭން ވަނީ ފަށައިފައެވެ. މިކަމަށްޓަކައި ޚާއްސަ ރަސްމިއްޔާތެއް އިއްޔެ ބޭއްވި އިރު މި ރަސްމިއްޔާތު ޝަރަފުވެރިކޮށްދެއްވީ ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ކޮންގް ޝިއަންހުއާއެވެ. ޓާމިނަލް 1 އިން ޗައިނާ އީސްޓާން އެއާލައިންސް އަށް ޚިދުމަތް ދޭން ފެށުމުގެ ގޮތުން ވަނީ އެއެލާއިންގެ ކައުންޓަރުތައް ރަސްމީކޮށް ހުޅުވައި އެ އެއާލައިނުން ފުރި 241 ފަސިންޖަރުންނަށް ވަނީ ހަދިޔާ ދީފައެވެ. އަދި ޓާމިނަލް 1 އަށް ކައިރި ކުރި ޗައިނާ އީސްޓާން އެއާލައިންސްގެ ފުރަތަމަ ފުލައިޓްއިން ރާއްޖެ އައި 227 ފަސިންޖަރުންނަށް ވަނީ ސަގާފީ ހަރަކާތްތަކާއެކު ހޫނު މަރުހަބާއެއް ކިޔައިފައެވެ.
+1
+1
+1
1
+1
+1
+1
+1
