2024 ވަނަ އަހަރާއި 2025 ވަނަ އަހަރުގެ ރެހެންދި އެވޯޑު ހަފްލާ ބާއްވާފައިވަނީ މި ނޮވެންބަރުމަހުގެ 15 ވަނަ ދުވަހުގެ ރޭގައެވެ. އެކި ސަބަބުތަކާއި ހުރެ މިދިޔަ އަހަރުގެ ރެހެންދި އެވޯޑު ހަފުލާ ސަރުކާރުން ވަނީ ފަސްކޮށްފައެވެ. އަދި 2 އަހަރުގެ އެވޯޑު އެއްފަހަރާ ދިންއިރު އެވޯޑު ލިބިފައިވަނީ 14 އަންހެނުންނަށާއި ހިލޭސާބަހަށް މަސައްކަތްކުރާ ޖަމްއިއްޔާއަކަށެވެ. މި ހަފްލާގައި އެވޯޑާއި ބްރޫޗް ހަވާލުކޮށްދެއްވީ ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދުއެވެ.
ރެހެންދި އެވޯޑް ލިބުނު ފަރާތްތައް 2024:
1 އިޖުތިމާޢީގޮތުން ބާރުވެރިކުރުމުގެ ދާއިރާއިން އައިޝަތު ޠާއިފާ، ޓޯޓަލްގޭ، ހދ.ކުޅުދުއްފުއްށި
2 އިޖުތިމާޢީގޮތުން ބާރުވެރިކުރުމުގެ ދާއިރާއިން އަސްމާ ހަސަން، ހިކިފިނިފެންމާގެ، ހދ.ކުޅުދުއްފުށި
3 އިޖުތިމާޢީގޮތުން ބާރުވެރިކުރުމުގެ ދާއިރާއިން މަރްޔަމް މުރުޝިދާ، ތަނޑިރަތްމާގެ، ތ.ވިލުފުށި
4 އިޖުތިމާޢީގޮތުން ބާރުވެރިކުރުމުގެ ދާއިރާއިން އަލްއުސްތާޛާ މަރިޔަމް އިނާޝާ، މާވިން، ކ.ކާށިދޫ
5 އިޖުތިމާޢީގޮތުން ބާރުވެރިކުރުމުގެ ދާއިރާއިން ވިމެންސް އެންހޭންސްމަންޓް (ވީ)
ރެހެންދި އެވޯޑު ލިބުނު ފަރާތްތައް 2025:
1 އިޖުތިމާޢީގޮތުން ބާރުވެރިކުރުމުގެ ދާއިރާއިން އާޢިޝަތު ހުސައިން، އަތަމާގެ، ގއ.ކަނޑުހުޅުދޫ
2 އިޖުތިމާޢީގޮތުން ބާރުވެރިކުރުމުގެ ދާއިރާއިން އާމިނަތު އާދަމް ކޮއި ދަފްތަރު ނަމްބަރު އާރް،އެސް 2823، ކ.މާލެ
3 ޖުތިމާޢީގޮތުން ބާރުވެރިކުރުމުގެ ދާއިރާއިން ޑރ. ރުޚުޝާނާ އަހުމަދު، މ.ހުދުކާނޭޝަން، ކ.މާލެ
4 އިޖުތިމާޢީގޮތުން ބާރުވެރިކުރުމުގެ ދާއިރާއިން ސަފާތު އަހުމަދު ޒާހިރު، ހުޅުމާލެ ގޯތި 10228
5 އިޖުތިމާޢީގޮތުން ބާރުވެރިކުރުމުގެ ދާއިރާއިން ސަމީނާ އިބްރާހިމް، ދޫރެސް، ތ.ވިލުފުށި
6 އިޖުތިމާޢީގޮތުން ބާރުވެރިކުރުމުގެ ދާއިރާއިން ޘުރައްޔާ އިބްރާހީމް، މުރިނގު، ތ.ކިނބިދޫ
7 ލީޑަރޝިޕް އަދި ގަވަރނަނންސްގެ ދާއިރާއިން އާމިނަތު ރީމާ ރަޝީދު، ހ.ލައިޓްސްޓާރ، ކ.މާލެ
8 ލީޑަރޝިޕް އަދި ގަވަރނަނންސްގެ ދާއިރާއިން އާމިނަތު ސޫޒަން، ހ.ފަހަލަ، ކ.މާލެ
9 އާންމުކޮށް އަންހެނުންކޮށް ނޫޅޭ މަސައްކަތްތަކުގެ ދާއިރާއިން ޒަހިއްޔާ މުޙައްމަދު، މުރީދުގެ، އއ.އުކުޅަސް
ރެހެންދި އެވޯޑަކީ، ޤައުމީ ޚިދުމަތުގައި އެކި ދާއިރާއިން އަންހެނުން ކުރާ މަސައްކަތްތަކާއި، މުޖުތަމަޢު ބިނާކުރުމަށް އަންހެނުން އަދާކުރާ ދައުރުގެ އަގު ޤައުމީ ފެންވަރެއްގައި ވަޒަންކޮށް، ދިވެހިރާއްޖޭގެ ޤައުމީ ތަރައްޤީއަށާއި، އަންހެނުންގެ ކުރިއެރުމަށް އަގުހުރި ޚިދުމަތްތައް ކޮށްދެއްވާފައިވާ ފަރާތްތަކަށް، އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން ދެއްވާ ޚާއްޞަ އެވޯޑެކެވެ.
