އެވިޑް ކޮލެޖާއި ޗާޓާރޑް މެނޭޖްމެންޓް އިންސްޓިޓިއުޓްއާއި ދެމެދު ވެވުނު އެއްބަސްވުމުގެ ދަށުން، އެވިޑްކޮލެޖަށް ވަނީ ޗާޓާޑް މެނޭޖްމެންޓް އިންސްޓިޓިއުޓްގެ އިންޓަރނޭޝަނަލް އެޕްރޫވްޑް ސެންޓަރެއްގެ ދަރަޖަ ދީފައެވެ.
އެވިޑް ކޮލެޖުން މައުލޫމާތު ދޭގޮތުގައި މިހުއްދައިގެ ދަށުން އެވިޑްކޮލެޖުން މިހާރުވެސް ހިންގާ ޕްރޮގްރާމްތަކުގެތެރެއިން 11 ޕްރޮގްރާމަކަށް ވަނީ ޑުއަލް އެކްރެޑިޓޭޝަނަށް ހުއްދަދީފައެވެ. މި ޕްރޮގްރާމް ތަކުގެ ތެރޭގައި ޑިޕްލޮމާ، ބެޗެލާރސް، ޕޯސްޓް ގްރެޖުއޭޓް ޑިޕްލޮމާ، އަދި މާސްޓާރސް ޕްރޮގްރާމްތައް ހިމެނެއެވެ. އަދި ޕްރޮގްރާމް ފުރިހަމަކުރަން އެދޭ ދަރިވަރުންނަށް އެ ފުރުސަތުވެސް ވަނީ ޖެނުއަރީ 2026 ގެ އިންޓޭކާ އެކު ހުޅުވާލައިފައެވެ.
ޗާޓާރޑް މެނޭޖްމެންޓް އިންސްޓިޓިއުޓް އަކީ 1947 ން ފެށިގެން ޕްރޮގްރާމްތައް ހިންގަމުން އަންނަ އަދި މެނޭޖްމެންޓް ދާއިރާއިން ދުނިޔޭގެ މަޤްބޫލްކަން (ރޯޔަލްޗާޓަރ ފޯރ މެނޭޖްމެންޓް) ދަރަޖަހޯދާފައިވާ އިންސްޓިޓިއުޓެކެވެ.
" އެވިޑް ކޮލެޖްގެ އެފިލިއޭޓަޑް ޕާރޓްނަރ، ޔުނިވާރސިޓީ އޮފް ވެސްޓް ލަންޑަން (UWL-UK) ގެ މާސްޓާރ އިން ބިސްނަސް އެޑްމިނިސްޓްރޭޝަން (MBA) ޕްރޮގްރާމް އަކީ ވެސް ޗާޓާރޑް މެނޭޖްމެންޓް އިންސްޓިޓިއުޓް އިން އެކްރެޑިޓްކޮށްފައިވާ ޕްރޮގްރާމެއް. އެވިޑް ކޮލެޖްގެ 11 ޕްރޮގްރާމަކީ ވެސް ޗާޓާރޑް މެނޭޖްމެންޓް އިންސްޓިޓިއުޓް (CMI-UK) އިން އެކްރެޑިޓް ކޮށްފައިވާ ޕްރޮގްރާމް ތަކެއް. މީގެ އިތުރުންވެސް އެވިޑް ކޮލެޖުން މިހާރު ދަނީ ދުނިޔޭގެ މަޝްހޫރު އެކްރެޑިޓޭޝަން ބޮޑީތަކާ އެކު އެފިލިއޭޓުވަމުން". އެވިޑް ކޮލެޖުން މައުލޫމާތު ދީފައިވެއެވެ.
މިހުއްދައިގެ ދަށުން ޕްރޮގްރާމްތައް ފުރިހަމަ ކުރާ ދަރިވަރުންނަށް އެވިޑް ކޮލެޖުގެ އަދި ޗާޓާރޑް މެނޭޖްމެންޓް އިންސްޓިޓިއުޓް އެކްރެޑިޓެޑް ސެޓިފިކެޓް ޙާސިލްކުރުމުގެ ފުރުސަތު ލިބިގެންދާނެއެވެ. އަދި އެވިޑް ކޮލެޖުގައި ކިޔަވަމުންދާ ދަރިވަރުންނަށް ޗާޓާރޑް މެނޭޖްމެންޓް އިންސްޓިޓިއުޓް (CMI) ގެ އެހެނިހެން ތައުލީމީ ވަސީލަތްތައް ބޭނުންކުރުމުގެ ފުރުސަތުވެސް ފަހިވެގެން ދާނެއެވެ. އެވިޑް ކޮލެޖްގެ ޕްރޮގްރާމްތަކަށް އޮންލައިންކޮށް އެޕްލައި ކުރުމުގެ ފުރުސަތު ވަނީ ހުޅުވާލެވިފައެވެ. އިތުރު މަޢުލޫމާތު ކޮލެޖުގެ ވެބްސައިޓް މެދުވެރިކޮށް ލިބޭނެއެވެ.
