ދިވެހި ރާއްޖޭގައި ފަތުރުވެރިކަމުގެ ދާއިރާއަކީ ހަމައެކަނި އިންޑަސްޓްރީއެއް ނޫނެވެ. އެއީ ދިވެހި ރާއްޖޭގެ ހިތުގެ ދިރުމެވެ. ކޮންމެ އަހަރަކުވެސް ބާއްވާ 'ހޮޓެލް އޭޝިއާ މޯލްޑިވްސް' މުހިންމު ދައުރެއް މިދާއިރާގައި އަދާކުރެއެވެ. މިއީ ހަމައެކަނީ އެގްޒިބިޝަނެއް ނޫނެވެ. މިއީ ގްލޯބަލް ސަޕްލައަރސް އާއި ރިސޯޓްތަކުގެ ވެރިންނާއި ޝެފުން އަދި ދާއިރާގެ ފުންނާބުއުސް ފަރާތްތަކުން އެއްތަނަކުން ބައްދަލުވެ ޚިޔާލު ބަދަލުކޮށް ހުރި މައްސަލަތަކަށް ހައްލުތައް ހޯދައި މިދާއިރާގެ މުސްތަގުބަލު ބައްޓަންކުރުމަށް އެހީވެދޭ އެގްޒިބިޝަނެކެވެ.
މުހިންމުވަނީ ކީއްވެ؟
ކާބޯތަކެތިން ފެށިގެން ބަދިގެ ސާމާނާއި ހަމައަށް، އިންޓީރިއާއިން ފެށިގެން ސްޕާ އަދި ވެލްނެސް އާއި އިކޯ ފްރެންޑްލީ ތަކެތީގެ މައުލޫމާތު އެއްތަނަކުން ލިބެން ހުރެއެވެ. މީއީ ފަތުރުވެރިކަމުގެ ވިޔަފާރިކުރާ ފަރާތްތަކަށް އެންމެފަހުގެ ޓެކްނޮލޮޖީގެ މައުލޫމާތު އެއްތަނަކުން ލިބޭނެ އެގްޒިބިޝަނެކެވެ. އަދި މިއީ ރިސޯޓް، ހޮޓެލް އަދި ގެސްޓް ހައުސްތަކާއި ސަޕްލަޔަރުން ގުޅުވާލަދޭނެ ޕްލެޓްފޯމެކެވެ.
ދެމެހެއްޓެނިވި ފައިދާތަކެއް
ހޮޓެލް އޭޝިއާ މޯލްޑިވްސްގެ އެންމެ ފާހަގަކުރެވޭ އެއްކަމަކީ ދެމެހެއްޓެނިވި ގޮތެއްގައި ކުރިއަށްދިއުމަށް ކުރާ މަސައްކަތެވެ. ރީތި ކަމަށް މަޝްހޫރުވެފައިވާ ރާއްޖޭގައި ހޮޓެލް އޭޝިއާ މޯލްޑިވްސްގެ ސަބަބުން ރިސޯޓުތަކަށް ލަގްޒަރީއާއި ތިމާވެއްޓާއި ރައްޓެހި ޚިދުމަތްތަކާއި އުސޫލުތައް ތަޢާރަފްކޮށް އެއާއި އެއްގޮތަށް ކުރިއަށްދިއުމަށް ފުރުސަތު ހުޅުވިގެންދެއެވެ.
ބައިނަލްއަގްވާމީ ކަލިނަރީ ޗެލެންޖް
ކޮންމެ ހޮޓެލް އޭޝިއާ މޯލްޑިވްސް އެގްޒިބިޝަނެއްގައިވެސް ބައިނަލްއަގްވާމީ ކަލިނަރީ ޗެލެންޖެއް ކުރިއަށްގެންދެއެވެ. މިއީ ބައިނަލްއަގްވާމީ ފެންވަރުގައި ފާހަގަކުރެވޭ ޖަޖުންގެ ޕެނަލަކާއެކު ޝެފުންނާއި މިދާއިރާގެ ދަރިވަރުންގެ ހުނަރު ދައްކުވައިދޭ ތަރުހީބު ބޮޑު ޗެލެންޖެކެވެ. ޒުވާން ޝެފުންނަށް އެންމެ ބޮޑު އެހީތެރިކަމެއް ވެދެނީ ޝެފް އެލަން ޕާމަރ އެވެ. ވަޒީފާއަކަށްވުރެ ބޮޑަށް ކެރިއަރ އަކަށް ބަދަލުކުރުމަށް ވަނީ އެހީއަކަށްވެފައެވެ. ދުނިޔޭގެ ފެންވަރުގެ ޝެފުން އުފެއްދުމަށް ލިބޭ ރަނުގެ ފުރުސަތެކެވެ.
- 700 ކޮމްޕެޓިޝަން އެންޓްރީސް
- 75 ރިސޯޓަކުން ބައިވެރިވޭ
- 23 ކަލިނަރީ ކޮމްޕެޓިޝަން ކުރިއަށްދާނެ
- 15 ބައިނަލްއަގްވާމީ ޖަޖުންނާއި 15 ރާއްޖޭގެ ޖަޖުން
- ވޯރލްޑްޝެފްސް އެންޑޯސް ކޮށްފައިވާ ނެޝަނަލް އިވެންޓް
- ޝެފްސް ގިލްޑް އޮފް މޯލްޑިވްސް އާއި މޯލްޑިވްސް ޝެފްސް ޔޫނިއަން އަދި ވިޒިޓް މޯލްޑިވްސް އާއި މޯލްޑިވްސް ނެޝަނަލް ޔުނިވަރސިޓީގެ އެހީތެރިކަމާއެކު ކުރިއަށްގެންދިއުމަށް ވަނީ ހަމަޖެހިފައި
ފަތުރުވެރިކަމުގެ ދާއިރާ ގުޅުވާލަދޭ އެންމެ މުހިންމު އެގްޒިބިޝަން
ހޮޓެލް އޭޝިއާ މޯލްޑިވްސް ޚާއްސަވަނީ މި އެގްޒިބިޝަންގައި ބައިވެރިވާ ފަރާތްތަކުގެ ސަބަބުންނެވެ. ކޮންމެ އަހަރަކުވެސް މިދާއިރާގެ ނިންމުންތައް ނިންމުމުގައި އެންމެ އިސްކޮށް ހަރަކާތްތެރިވާ ފަރާތްތަކާއި، އިންވެސްޓަރުންނާއި، ރިސޯޓްތަކުގެ ޖެނެރަލް މެނޭޖަރުންނާއި އެންމެ ސީނިއަރ ޝެފުންގެ އިތުރުން މެނޭޖީރިއަލް ފެންވަރުގެ އެކި ފަރާތްތައް އެއްތަނަކުން ދިމާވެ މަޝްވަރާކޮށް ފަތުރުވެރިކަމުގެ ދާއިރާގެ މުސްތަގުބަލު ބިނާކުރުމަށް މުހިންމު ރޯލެއް އަދާކުރެއެވެ.
ހޮޓެލް އޭޝިއާ މޯލްޑިވްސް އަކީ ހަމައެކަނި އެގްޒިބިޝަނެއް ނޫނެވެ. އެއީ ދުރުމުސްތަގުބަލަކަށް އެހީތެރިވެދޭ ވަރަށް މުހިންމު ފިޔަވަޅެކެވެ. މިއަހަރުވެސް 75 އާކުންފުންޏަކުން ބައިވެރިވާއިރު ދުވަހެއް ދުވަހަށް މި އެގްޒިބިޝަން ދަނީ ފުޅާވަމުންނެވެ.
ހޮޓެލް އޭޝިއާ މޯލްޑިވްސް މިއަހަރު ކުރިއަށްގެންދިއުމަށް ހަމަޖެހިފައިވަނީ މިއޮކްޓޯބަރުމަހުގެ 19 އިން 22 އަށް ހުޅުމާލޭގެ ސިންތެޓިކް ޓްރެކްގައެވެ.
