ބައެއް އަންހެނުންނަކީ ޕީރިއަޑް ދުވަސްވަރު ވަރުބަލިވެ ތަދު އިހުސާސްކުރެވޭ މީހުންނެވެ. އަދި ގަވާއިދުން ޕީރިއަޑް ނުވުމުގެ ސަބަބުން އޭގެ ނުރަނގަޅު އަސަރުތައް ކުރިމަތިވެ ދަރިމައިވުމުގައި މައްސަލަތައް ދިމާވެ ފަރުވާ ހޯދާ މީހުންވެސް އުޅެއެވެ. ދުޅަހެޔޮ ސިއްހަތަކަށް ހުރިހާ ގޮތަކުން ކަސްރަތު މުހިންމު ދައުރެއް އަދާކުރެއެވެ. އެފްއީއޭ އެކަޑަމީ އާއި ލެގަސީ ފިޓްނެސް ގުޅިގެން ރާއްޖެއިން ބޭރުގެ ތަޖުރިބާކާރުންގެ އެހީތެރިކަމާއެކު ޚާއްސަ ކޯސްތަކެއް ހިންގުމަށް ވަނީ ހަމަޖެހިފައެވެ. ކޯސް ކުރިއަށް ގެންދިއުމަށް ހަމަޖެހިފައިވަނީީ އޮކްޓޯބަރ 25 އަދި 26 ވަނަ ދުވަހުގެ ހެނދުނު 08:30 އިން ހަވީރު 04:30 އަށް ހުޅުމާލެ ފޭސް 1 ގައި ހުންނަ ލެގަސީ ފިޓްނެސް ޖިމްގައެވެ.
މެންސްޓުރުއަލް ސައިކަލް ބޭސްޑް ކޯޗިންގ ސްޓްރެޓެޖީސް (މެންސްޓްރުއަލް ކޯޗު)
މި ކޯހުގެ ބޭނުމަކީ މެންސްޓްރުއަލް ސައިކަލްއާއި ގުޅޭގޮތުން ޚާއްސަ ތަމްރީންތައް ދިނުމާއި، ހަކަތަ ލިބިގަތުމާއި، ދިރިއުޅުން ބައްޓަންކުރަން ދަސްކޮށްދިނުމެވެ. ކޯޗެއްގެ ގޮތުގައި ނުވަތަ އަމިއްލަ އަންހެނެއްގެ ގޮތުގައިވިޔަސް ދުޅަހެޔޮކަމަށް ވިސްނައި އެންމެ ފުރިހަމަގޮތުގައި ކުރިއަށްދާނެ ގޮތް ދަސްކޮށްދިނުމަށް ވަނީ ހަމަޖެހިފައެވެ.
ކޯހުގެ މަޤްސަދުތައް:
- ވަރުބަލިކަމާއި، ބަނޑުހައިހޫނުކަމާއި، ކަވައިގަތުމާއި ތަދާއި ކުރިމަތިލުމުގެ ބަދަލުގައި ހަކަތައާއި ބާރާއި ބަދަލުތަކަށް ހޭނުމަށް މެންސްޓްރުއަލް ސައިކަލްގެ ކޮންމެ ފިޔަވަހީގެ ބޭނުން ހިފާނޭގޮތް ދަސްކުރުން
- ސްޓްރެޓެޖިކް ތަމްރީނާއި، ކެއުމާއި އަދި ރިކަވަރީ ޗޮއިސްތަކުން ޕީރިއަޑް ސައިކަލް ގަވާއިދުން ހިނގުން ރަނގަޅުކޮށް ދިގުމުއްދަތަކަށް ހޯމޯނަލް ބެލެންސް ދެމެހެއްޓުމަށް އެހީތެރިވާނެގޮތް ދަސްކުރުން
- ޖިމުގައި އަދި އާންމު ދިރިއުޅުމުގައިވެސް ސިއްހީ ޕާފޯމެންސް އިތުރުކޮށް ހަށިގަނޑާއި ގުޅުންހުރި ނިންމުންތައް ނިންމުމުގައި އަމިއްލަ ނަފްސަށް އިތުބާރު ހޯދަން އެހީތެރިވުން
ކެލިސްތެނިކް ކޯޗް ކޯސް
މި ކޯސް ކުރިއަށް ގެންދިއުމަށް ހަމަޖެހިފައިވަނީ އޮކްޓޯބަރު މަހުގެ 23 އިން 24 އަށް ހެނދުނު 08:30 އިން 04:30 އަށެވެ.
މިއީ ހަށިގަނޑުގެ ބަރުދަނުން ކުރާ ތަމްރީނުތަކުގެ ދާއިރާގައި އެމީހުންގެ ހުނަރު އިތުރުކުރުމަށް ޝައުޤުވެރިވާ ޕަރސަނަލް ޓްރެއިނަރުންނަށް ޚާއްޞަކޮށްގެން ފަރުމާކުރެވިފައިވާ ކޯހެކެވެ.
މި ކޯހުގެ ތެރެއިން، ހޭންޑްސްޓޭންޑަށް ޕްރެސްކުރުމާއި މަސަލްއަޕް ފަދަ ޓެކްނިކަލް މޫވްމަންޓްތައް މާސްޓަރކުރުމުގެ ސިއްރުތައް ހާމަވެ، ކެލިސްތެނިކްސްގެ ސައިންސްއަށް ފުންކޮށް އަހުލުވެރިވެ، އަދި ތަފާތު ފެންވަރުގެ ކްލައިންޓުންނަށް އެކަށޭނަ 'ޕްރޮގްރެސިވް ކޯޗިންގ' ސްޓްރެޓެޖީތައް ދަސްވާނެއެވެ.
އަމިއްލަ ތަމްރީނުތައް ހަރުދަނާކުރަން ބޭނުންވިޔަސް ނުވަތަ އެހެން މީހުން އެމީހުންގެ އެންމެ މަތީ ޖިސްމާނީ ޤާބިލިއްޔަތަށް މަގުދައްކައިދޭން ބޭނުންވިޔަސް، މި ކޯހުން ކެލިސްތެނިކްސް ކޯޗިންގގައި ފުރިހަމަކަން ހޯދުމަށް ބޭނުންވާ ވަސީލަތްތަކާއި މަޢުލޫމާތު ލިބިދެއެވެ.
މި ކޯސް ބޭނުންވާ ސަބަބު
ޖިސްމާނީ ދުޅަހެޔޮކަމާއި ކުޅަދާނަކަން އިތުރުކުރުމަށް އައު އަދި ފައިދާހުރި ގޮތްތައް ހޯދުމަށް ފިޓްނަސް ޝައުޤުވެރިން އަބަދުވެސް މަސައްކަތްކުރާ މި ޒަމާނުގައި، ކެލިސްތެނިކްސްއަކީ މުހިންމު ދައުރެއް އަދާކުރާ ކަމަކަށް ވެފައިވެއެވެ. މި ކޯހުން އަސާސީ މޫވްމަންޓްތަކާއި ޕްރޮގްރެޝަންތަކުގެ ފުން ދެނެގަތުމެއް ހޯދައިދިނުމުގެ އިތުރުން، ރައްކާތެރި އަދި ފައިދާހުރި ތަމްރީނުތަކަށް މުހިންމު ސައިންޓިފިކް މަޢުލޫމާތާއި ސްޕޮޓިންގ ޓެކްނިކްތަކުން ފުރިހަމަކޮށްދެއެވެ.
ޢަމަލީ ތަޖުރިބާއާއި ނަޒަރިއްޔާތުގެ މަޢުލޫމާތު އެއްކޮށްލައިގެން، ކްލައިންޓުން ފަށާ ލެވެލުން ފެށިގެން އެޑްވާންސްޑް ލެވެލަށް ކުރިއަރުވާ، އެމީހުންނަށް ޗެލެންޖްކުރުވާ ޚާއްޞަ ތަމްރީނު ޕްރޮގްރާމްތައް ފަރުމާކުރުމުގެ ޤާބިލްކަން ލިބިގެންދާނެއެވެ.
މި ކޯހުން ލިބޭނެ ތަޖުރިބާ
ކެލިސްތެނިކްސްގެ އަސާސްތަކުން ފެށިގެން އެޑްވާންސްޑް ޓެކްނިކްތަކާއި ކޯޗިންގ ސްޓްރެޓެޖީތައް ހިމެނޭ ފުރިހަމަ ތަޢުލީމީ ތަޖުރިބާއެއް ލިބިގަންނާށެވެ.
- އަސާސީ ލެވެލުން ފެށިގެން އެޑްވާންސްޑް ކެލިސްތެނިކްސް މޫވްމަންޓްތަކުގެ ފުންނާބު އުސް ޓިއުޓޯރިއަލްތައް
- ނިއުރޮލޮޖީ، ކައިނެޓިކްސް، އަދި މޫވްމަންޓް ޕްރޮގްރެޝަންތަކުގެ ސައިންޓިފިކް މަޢުލޫމާތު
- ކްލައިންޓުންގެ ރައްކާތެރިކަމާއި ހުނަރު ތަރައްޤީކުރުމަށް ބޭނުންވާ ޢަމަލީ ސްޕޮޓިންގ ޓެކްނިކްތައް
- އާންމު މައްސަލަތައް ދެނެގަނެ ހައްލުކުރުމުގެ ސްޓްރެޓެޖީތައް
- ތަފާތު ކްލައިންޓުންގެ ބޭނުންތަކަށް އެކަށޭނަ ޕްރޮގްރާމިންގ އަދި ލަނޑުދަނޑިތައް ކަނޑައެޅުން
މި ކޯހުގެ މައުޟޫޢު
"ކެލިސްތެނިކްސް ކޯޗް" ސެޓްފިކެޓަކީ ހަމައެކަނި ތަމްރީނު ޕްރޮގްރާމެއް ނޫނެވެ. މިއީ ހަށިގަނޑުގެ ބަރުދަނުން ކުރާ ތަމްރީނުތަކުގައި ނަޒަރިއްޔާތުގެ މަޢުލޫމާތާއި ޢަމަލީ ބޭނުންކުރުމާ ދެމެދު ގުޅުން ގާއިމުކުރާ ބަދަލުވުމުގެ ދަތުރެކެވެ. ހޭންޑްސްޓޭންޑަށް ޕްރެސްކުރުމާއި މަސަލްއަޕް ހުނަރުތައް މާސްޓަރކުރުމުން ފެށިގެން މޫވްމަންޓްގެ ނިއުރޮލޮޖިކަލް ކަންކަން ދެނެގަތުމާ ހަމައަށެވެ.
މި ކޯހުގައި ހިމެނެނީ:
- ކުޅިވަރުގެ މާނަކުރުންތަކާއި ޖިމްނާސްޓިކްސްއާއި ކެލިސްތެނިކްސްއާ ހުރި ތަފާތު
- ހުރިހާ އުމުރުފުރައެއްގެ މީހުންނަށް ކެލިސްތެނިކްސްގެ ސަބަބުން ލިބޭ ފައިދާތައް
- ކުރިއެރުމަށް މުހިންމު އަސާސީ މަފްހޫމްތަކާއި އަސާސީ ޕޮޒިޝަންތައް
- ތަފާތު ފެންވަރުތަކުގައި ބޭނުންކުރެވޭ އެޑްވާންސްޑް ޓެކްނިކްތަކާއި ވެރިއޭޝަންތައް
އޮސްޓްރޭލިއާގެ ތަޖުރިބާކާރު ކޯޗުންގެ އެހީތެރިކަމާއެކު ކުރިއަށްގެންދާ މި 2 ކޯހުގެ އަގަކީ 6500 ރުފިޔާއެވެ. މި ކޯހުގައި ބައިވެރިވުމަށް އިތުރު މައުލުމާތު ސާފުކުރުމަށް ގުޅާނީ 9981300 މި ނަންބަރަށެވެ.
