ކަނޑުހާ މިއީ އާންމުކޮށް 3 މީޓަރާއި 250 މީޓަރާ ދެމެދުގެ ފުންމިނުގައި އުޅޭ ފާނަ އާއިލާއަށް ނިސްބަތްވާ މަހެކެވެ. ބުރަކަށިމަތީ ކޮތަރި ބައިގައި 9 ހަރުކަށްޓާއެކު 13 އާއި 15 އާ ދެމެދުގެ އަދަދަކަށް މަޑުކަށިހުރެއެވެ. ބަނޑުދަށް ފަރާތުގައި 3 ހަރުކައްޓާއެކު 8 މަޑުކަށި ހުންނަ މި މަހުގެ ނިގޫފަތް ހުންނަނީ ހަނދު ފަޅިއެއްގޮތަށެވެ.
ނޫކުލައާއި ފިޔާތޮށި ކުލައިގެ ކުދި ތިކިތަކެއް ހުންނަ ވައިލެޓް ކުލައިންވެސް ފެންނަ މި މަސް އެންމެ ބޮޑުވަނީ 83 ސެންޓިމީޓަރަށް ނުވަތަ ބަރުދަނުގައި 12 ކިލޯ އަށެވެ. މި މަހަކީ ރާއްޖޭގެ ފަރުތަކާއި ފަޅުތަކުގައި އުޅޭ ބަލާލަން ވަރަށް ހިތްގައިމު ރީތި މަހެކެވެ. އާންމުކޮށް އެކަހެރިކޮށް އުޅޭ މި މަސް ބައެއް ފަހަރު ކުދި އައިން ހަދައިގެންވެސް އުޅެއެވެ.
މި މަހަކީ ދިވެހި މަސްވެރިން އާންމުކޮށް ބާނާ އުޅޭ މީރު މަހެކެވެ. ފާނައިގެ މަސްވެރިކަން ކުރާ ފަރާތްތަކުން އާންމުކޮށް މި މަސް ބޭނުމަށްފަހު އެހެން ޤައުމުތަކަށް ފޮނުވައެވެ. މި ވައްތަރުގެ ކުދިމަހަކީ ގޭގައި ލޮނުފެން ޓޭންކުގައި ގެންގުޅެން ރީތި މަހެކެވެ. މި މަހުގެ ކާނާއަކީ ކުދި މަސްމަހާ މެއްސާއި ކަކުންޏާއި ކުދި ބޯވަދިލަމަސް ފާޑުގެ ތަކެއްޗެވެ.
މައުލޫމާތު: ފިޝްއޮފް އޮސްޓްރޭލިއާ
