އުރީދޫ މޯލްޑިވްސް އަކީ ތަފާތު އުމުރުގެ މީހުން ޝައުގުވެރިވާ ގޮތަށް އެކިކަންކަމުގައި ބައިވެރިވުމުގެ ފުރުސަތު މަގުފަހިކޮށްދޭ ކުންފުންޏެކެވެ. މިފަހަރު މިއޮތީ 7 އަހަރުން ދަށުގެ ކުރަހާހިތްވާ ކުދިންނަށް ރަނުގެ ފުރުސަތެކެވެ. އުރީދޫ މޯލްޑިވްސްގެ ޑިޒައިން ޓީމް ކުޑަ ބްރޭކެއްގައި ތިބޭއިރު، އެންމެ ތުއްތު އާޓިސްޓުންނަށް ކްރިއޭޓިވް ސްޓޫޑިއޯ ހަވާލުކުރުމަށް މިވަނީ ހުޅުވާލާފައެވެ. ފަން ރަން އާޓް ކޮންޓެސްޓް އިއުލާން ކުރީ އިއްޔެއެވެ.
ބައިވެރިވާނެ ގޮތް:
ތީމް: ފަން ރަންއާއި ގުޅޭ އާޓްވޯކެއް ހަދާށެވެ.
އީމެއިލް މެދުވެރިކޮށް ހުށަހަޅާށެވެ.
އާޓްވޯކްގެ ސާފު ފޮޓޯ/ސްކޭނެއް ފޮނުވާށެވެ. ސުންގަޑި: 27 ސެޕްޓެމްބަރ 2025 23:59
ހިމަނަންވީ ކަންތައްތައް:
ކުއްޖާގެ ނަމާއި ޢުމުރު
ބެލެނިވެރިޔާގެ ނަން އަދި ގުޅޭނެ ނަންބަރު
ޕޯސްޓަށް ކުރު ކެޕްޝަނެއް ވެސް ފޮނުވިދާނެއެވެ. (ގިނަވެގެން 20 ބަސް)
އިނާމު ހޮވުމާއި އިނާމު ދިނުން
އުރީދޫއިން ސޯޝަލް މީޑިއާ އެކައުންޓް މެދުވެރިކޮށް ކުރެހުންތައް ހިއްސާ ކުރުމަށް ވަނީ ހަމަޖެހިފައެވެ. ކުރެހުންތަކުގެ ތެރެއިން އެންމެ ގިނަ ލައިކްސް ލިބޭ ފަސް ކުރެހުން ކުރެހި ކުދިންނަށް (5) ފަން ކިޓް ލިބޭނެއެވެ.
ކުރެހުންތައް ހުންނަން ޖެހޭނީ އާންމު އިޖުތިމާޢީ މިންގަނޑުތަކާއި އެއްގޮތްވާ ގޮތުގެމަތިންނެވެ. ކޮންމެ ކުއްޖަކަށްވެސް ހުށަހެޅޭނީ އެންމެ ކުރެހުމެކެވެ. މި މުބާރާތުގެ މުއްދަތުގައި 'ލައިކް' ގުނާނީ އުރީދޫގެ ރަސްމީ ޕޯސްޓްތަކަށް އެކަންޏެވެ.
"އަހަރެމެންގެ ކްރިއޭޓިވް ޓީމް ޗުއްޓީގައި ތިބޭއިރު، މި ކޮންޓެސްޓުގެ ސަބަބުން ތުއްތު ކުދިންގެ ހިތްގައިމު ކުރެހުންތަކުން ފަން ރަން ގެނެސްދިނުމަށް މަސައްކަތް ކުރަމުންދާނަން. ފަން ރަން އަކީ ކޮމިއުނިޓީ ސްޕިރިޓާއި އުފާވެރިކަން ދައްކުވައިދޭ ރަންއެއް، އަދި މިކަން ދައްކުވައިދިނުމަށް އަޅުގަނޑުމެންގެ ކުޑަކުޑަ އާޓިސްޓުންނަށް ވުރެ ރަނގަޅަށް އެހެން މީހަކު ނުފެންނާނެ،" އުރީދޫ މޯލްޑިވްސްގެ ޗީފް ކޮމާޝަލް އޮފިސަރު ހުސައިން ނިޔާޒް ވިދާޅުވި އެވެ.
