އއ. ތޮއްޑޫގެ ހިތްގައިމު ސަރަހައްދެއްގައި ހުންނަ 'ސަމަރ ސްކައި ތޮއްޑޫ' އަށް ވަންނައިރު ހީވާނީ ކުޑަވަރެއްގެ ބަގީޗާއެއްގެ ތެރެއަށް ވަންނަހެންނެވެ. ވަށައިގެން ދޮންވެލި އަޅާފައި ރީތި ގަސްތަކެއް ހައްދާފައި ހުރިއިރު ފެންނަނީ ރަށްފުށުގެ ހިތްގައިމު މާހައުލެވެ. ޖާގައިން ބޮޑު ކޮޓަރި އާއި ކެފޭހިމެނޭ ގޮތަށް ހަދާފައިވާ މި ގެސްޓްހައުސްއަކީ ކުޑަބަޖެޓެއްގައި ޗުއްޓީ ހޭދަކޮށްލުމަށް އެއްވަނައެވެ.
8 ކޮޓަރީގެ 'ސަމަރ ސްކައި ތޮއްޑޫ' އަކީ ގެސްޓުންގެ މެދުގައި މަޝްހޫރު ތަނެކެވެ. ގިނަފަހަރަށް ޖާގަ އޮންނަނީ ފުރިފައެވެ. ދާން ބޭނުންވާނަމަ ކުރީބައިގައި ޖާގަ ހޯދުން ރަނގަޅުވާނެއެވެ.
ދިވެހި ރަހަތައް ހިމެނޭގޮތަށް ކާތަކެތި ލިބެން ހުރިއިރު ރަހަ ވަރަށް މީރެވެ. އަގު އުޅެނީ ރެއަކަށް 60 ޑޮލަރާއި 80 ޑޮލަރާއި ދެމެދުގައެވެ. ދިވެހިންނަށް ޚާއްސަ އަގުތަކެއްގައި ކޮޓަރި ލިބެން ހުރިއިރު މި ހޮޓަލުން ލިބެން ހުރި ޚިދުމަތާއި ބަލާއިރު އަގު ވަރަށް ރަނގަޅެވެ. މިތަނުގެ އެންމެ ބޮޑު ހިތްހަމަޖެހުމަކީ ހިނގާލާފައި ދެވޭހާ ކައިރީގައި ގުދުރަތީ ރީތި މަންޒަރުތައް ހިމެނޭ ދަނޑުބިންތައް ހުރުމެވެ.
ދިވެހިންނާއި ބޭރުމީހުންނަށް ޚާއްސަ 3 ރެސްޓޯރެންޓެއްވެސް ސަމަރ ސްކައި ތޮއްޑޫ ކައިރީގައި ހުރެއެވެ. އަދި މާދުރުނޫން ހިސާބެއްގައި ތޮއްޑޫގެ މަޝްހޫރު ގޮނޑުދޮށް އޮންނައިރު މިއީ ބަލާ ފޫހި ނުވާހާ ރީތި ދޮންވެލިގަނޑެއް އޮންނަ ހިތްގައިމު ތަނެކެވެ.
'ސަމަރ ސްކައި ތޮއްޑޫ'އިން ޚިދުމަތް ހޯދާ މީހުންނަށް ތަފާތު ތަޖުރިބާތައް ކުރެވޭނެ އިންތިޒާމު ހަމަޖައްސައިދެއެވެ. މިގޮތުން ބަގީ ޚިދުމަތް، ދަނޑުތަކާއި ރަށުގެ ތަފާތު މަންޒަރުތައް ބަލާލުން، ސްނޯކްލިންގއާއި މަސްދަތުރު ހިމެނެއެވެ.
'ސަމަރ ސްކައި ތޮއްޑޫ' ގައި ޗުއްޓީ ހޭދަކޮށްލުމަށް ބޭނުންވާ ފަރާތްތަކުން އިތުރު މައުލޫމާތު ސާފުކުރުމަށް އިންސްޓަގްރާމް Summer Sky Thoddoo މި ޕޭޖްއަށް މެސެޖު ކުރެވިދާނެއެވެ. އީދު ފަދަ ރަސްމީ ބަންދު ދުވަސްތަކުގައި އާއިލާއާއެކު ޗުއްޓީ ހޭދަކޮށްލުމަށް ދާން މިއީ ރަނގަޅު ފުރުސަތެކެވެ.
