މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއާއި ގުޅިގެން އުރީދޫ މަސްރޭސް 2025 މިއަހަރުވެސް ބޭއްވުމަށް ހަމަޖެހިފައިވާކަމަށް އުރީދޫއިން ވަނީ ހާމަކޮށްފައެވެ.
މިއަހަރު މަސްރޭސް ބޭއްވުމަށް ހަމަޖެހިފައިވާ ރަށްތަކަކީ:
ކ.ހުރާ: 22 އޮގަސްޓް 2025
ށ.ފުނަދޫ: 29 އޮގަސްޓް 2025
ރަޖިސްޓްރޭޝަން ހުޅުވޭ ދުވަސް: 17 ޖުލައި 2025
ރަޖިސްޓްރޭޝަންގެ ފަހު ތާރީހު: 30 ޖުލައި 2025، 23:59
މަސްރޭހުގައި ރަޖިސްޓަރ ކުރުމަށް 12 މީހުން ހިމެނޭ ޓީމް (ކެޕްޓަނާއި އޮފިޝަލުން ހިމެނޭހެން) ހެދުމަށްފަހު އޮންލައިކޮށް ފޯމް ފުރާލެވިދާނެއެވެ.
ކޮންމެ މަސް ރޭހެއްގައިވެސް މުޅިއަކު 80,000ރ ގެ ފައިސާގެ އިނާމު ހިމެނެއެވެ. މީގެ ތެރޭގައި:
ޗެމްޕިއަން ޓީމް: 25000ރ
ދެވަނަ ޓީމް: 10000ރ
ތިންވަނަ ޓީމް: 5000ރ
އަދި އެންމެ މޮޅު އަންހެން އަދި ފިރިހެން މަސްވެރިޔާއަށް ވެސް އިނާމު ދިނުމަށް ވަނީ ހަމަޖެހިފައެވެ.
އުރީދޫ މަސްރޭހަކީ ހަމައެކަނި މުބާރާތަކަށްވުރެ ބޮޑަށް ފެށުނީއްސުރެވެސް މަސްވެރިކަމުގެ އުފާވެރިކަމުގެ ތެރެއިން އެއްބައިވަންތަކަމުގެ ރޫހު އާލާކުރުވާ އަދި މުޖުތަމައުތަކުގެ ހިތްތަކުން ޖާގަ ހޯދާފައިވާ ހަރަކާތެކެވެ. އުރީދޫ މަސްރޭސް 2025 ގައި ކޮންމެ ހިސާބަކުން ވެސް އެންމެ ގިނަވެގެން 16 ޓީމު ވާދަކުރާނެ އެވެ. 16 ޓީމަށް ވުރެ ގިނައިން ރެޖިސްޓަރ ވެފައިވާ ނަމަ ބައިވެރިވާ ޓީމުތައް ހޮވުމަށް ޑްރޯއެއް ކުރިއަށް ގެންދިއުމަށް ވަނީ ހަމަޖެހިފަ އެވެ. އަދި ނުހޮވޭ ޓީމުތަކަށް 'ފުލް ރިފަންޑް' ލިބޭނެ އެވެ. އުރީދޫ މަސްރޭސް 2025 ގައި ސަރުކާރުގެ މުއައްސަސާތަކާއި ކޯޕަރޭޓްތަކާއި އާންމުން ބައިވެރިވުމަށް އުރީދޫ މޯލްޑިވްސް އިން މަރުހަބާ ކިޔާކަމަށް ވަނީ ބުނެފައެވެ.
އުރީދޫ މަސްރޭސް 2025 ގައި ރަޖިސްޓްރީވުމަށް، ޒިޔާރަތްކުރުން: http://ore.do/masrace2025
