ހުޅުމާލެ ފޭސް 2 ގެ ވިނަރެސް ޓަވަރު 1 އަދި ހިޔާގެ އޮރެންޖު ޓަވަރު (ހިޔާ ޓަވަރު 2) ގައި ހުންނަ މިޒާ އިންސްޓިޓިއުޓް މަޝްހޫރުވެފައި އޮންނަނީ ފުލްޓައިމް ޓީޗަރުންނާއެކު ފެންވަރު ރަނގަޅު ޓިއުޝަންދޭ ސެންޓަރެއްގެ ގޮތުގައެވެ. މިގޮތުން ސައިންސް ކިޔަވާ ކުދިންނަށް ބޭނުންވާ އެކްސްޕެރިމެންޓް ހެދުމުގެ ފުރުސަތު ވަނީ މަގުފަހިކޮށްދީފައެވެ. މިއީ ދަރިވަރުން މިޒާ ޓިއުޝަން ސެންޓަރަށް ޝައުގުވެރިވާ އެއް ސަބަބެވެ. މިޒާއިން ފާހަގަކުރި ގޮތުގައި ހުޅުމާލޭގެ ގިނަ ސްކޫލުތަކަކަށް ނިސްބަތްވާ ދަރިވަރުންނަށް ޓިއުޝަން ނަގައިދެނީ ސްކޫލުތައް ވަކިވަކިންނެވެ. ބޭނުމަކީ އެސްކޫލެއްގައި ކިޔަވާ ކުދިންނަށް ސްކޫލުގެ ފިލާވަޅާއި އެއްގޮތަށް ފުރިހަމައަށް ފަސޭހައިން ނަގައިގަނެވޭ ގޮތަށް ރަނގަޅަށް އުނގަންނައި ދިނުމެވެ.
މިޒާގެ ތަފާތަކީ ފެންވަރު ރަނގަޅު ފުލްޓައިމް ޓީޗަރުން
މިޒާގެ އެންމެ ބޮޑު ތަފާތަކީ ރާއްޖެއާއި ރާއްޖެއިން ބޭރުގެ މިޒާއަށް ޚާއްސަ ފުލްޓައިމް ޓީޗަރުންނެވެ. އެ ޓީޗަރުންގެ ހުރިހާ އަމާޒެއް ގުޅިފައިވަނީ ދަރިވަރުންނަށް ބޭނުންވާ ފިލާވަޅު އުނގަންނައިދީ ނަތީޖާ ނެރެދިނުމަށެވެ.
ތަޢުލީމީ ދާއިރާގައި 20 އަހަރު ދުވަހުގެ ތަޖުރިބާ ލިބިފައިވާ މުހައްމަދު ރަޝީދު އިސްވެ ހުންނަވައިގެން އުފެއްދެވި މިޒާ ޓިއުޝަން ސެންޓަރުން މާލޭގެ ސްކޫލުތަކުގެ ދަރިވަރުންވެސް ދަނީ ޓިއުޝަން ދެމުންނެވެ. މުހައްމަދު ރަޝީދަކީ އަހުމަދިއްޔާ އިންޓަނޭޝަނަލް ސްކޫލުގެ ސީނިއާ އެސިސްޓެންޓް ޕްރިންސިޕަލް ކަމާއި، ބްރައިޓްވޭ އިންޓަނޭޝަނަލް ސްކޫލުގެ ޕްރިންސިޕަލްކަމުގެ އިތުރަށް މޯލްޑިވްސް ނެޝަނަލް ޔުނިވަރސިޓީގެ އެސިސްޓެންޓް ލެކްޗަރާކަންވެސް ކުރައްވާފައިވާ ބޭފުޅެކެވެ.
" މިޒާގައި ޓިއުޝަން ދިނުމަށް ކޮންމެ ޓީޗަރެއްވެސް ނަގަނީ ވަރަށްބޮޑަށް ސްކްރީން ކުރުމަށްފަހު އަދި އިތުރު ގޮތްގޮތަށް މައުލޫމާތު ސާފުކުރުމަށްފަހު. އަދި ކިޔަވައިދޭ ޓީޗަރުންނަކީ ކެމްބްރިޖް ސިލަބަހަށް އަހުލުވެރި ކިޔަވައިދިނުމުގެ ތަޖުރިބާ ލިބިފައިވާ ނަތީޖާ ނެރެދޭ ޓީޗަރުން". މުހައްމަދު ރަޝީދު ވިދާޅުވިއެވެ.
"ސްކޫލް ބަޑީސް" ޓިއުޝަން މޮޑެލް
މިޒާ އިންސްޓިޓިއުޓުގެ ތަފާތަކީ ސްކޫލުތައް ވަކިވަކިން " ސްކޫލް ބަޑީސް" ޓިއުޝަން މޮޑެލެވެ.
" ސްކޫލް ބަޑީސް ޓިއުޝަން މޮޑެލްގެ ޚާއްސަކަމަކީ ކުލާހެއްގައި ކިޔަވާ ކުދިންނަކީ އެއް ސްކޫލެއްގެ ކުދިންތަކެއްގެ ގޮތުގައިވުން. އެއިރުން ސްކޫލުގައި ކިޔަވައިދޭ ފިލާވަޅުތަކަށް ފޯކަސްކޮށްގެން ހަޤީޤީ މާނައިގައި ޓިއުޝަނުން ލިބެންޖެހޭ އެހީތެރިކަން ކުދިންނަށް ލިބޭނެ. ސްކޫލުގައި ކިޔަވައިދޭ ފިލާވަޅު އިތުރަށް ޕްރެކްޓިސްކޮށް އޮޅުން ނުފިލާ ފިލާވަޅު ރަނގަޅަށް އުނގަންނައިދެވޭނެ". މިޒާއިން މައުލޫމާތު ދިނެވެ.
ސައިންސް މާއްދާ ޕްރެކްޓިސް ސެޝަންތަކާއެކު
މިޒާއިން ޓިއުޝަން ނަގާ ކުދިންގެ މެދުގައި އެންމެ މަޤުބޫލު އެއް މާއްދާއަކީ ސައިންސްއެވެ. ސަބަބަކީ ސައިންސްގެ މާއްދާގެ ޓިއުޝަން ނަގާއިރު ޕްރެކްޓިކަލް ސެޝަންތަކުގައި ބައިވެރިވުމުގެ ފުރުސަތު އޮތުމުންނެވެ.
" މިޒާގެ ބޭނުމަކީ ހަމައެކަނި ފޮތުން ކިޔަވައިދިނުމުގެ ބަދަލުގައި ޕްރެކްޓިކަލް ބައިވެސް ހިމަނައިގެން ދަރިވަރުންނަށް އުނގަންނައިދިނުން. މީގެ ސަބަބުން ފިލާވަޅުގައި ބުނާއެއްޗެއް އަމަލީގޮތުން ދަރިވަރުންނަށް ވިސްނައިގަންނަން ފަސޭހަވޭ".
ދިވެހި އިސްލާމް މާއްދާތަކަށްވެސް ޚާއްސަ ފުލްޓައިމް ޓީޗަރުން
ފަހަކަށް އައިސް ބައެއް ދަރިވަރުންނަށް ދިމާވާ މައްސަލައަކީ ދިވެހި އިސްލާމް މާއްދާއިން ރަނގަޅު މާކްސް ނުލިބުމެވެ. މި 2 މާއްދާއަށް އެހީތެރިކަން ބޭނުންވާ ދަރިވަރުންނަށްވެސް މިޒާ ޓިއުޝަން ކުލާސް ޚިޔާރު ކުރެވިދާނެއެވެ. ހެނދުނާއި ހަވީރު އަދި ރޭގަނޑު ގަޑިތަކުގައިވެސް ޓިއުޝަން ނެގުމުގެ ފުރުސަތު ވަނީ ފަހިކޮށްދީފައެވެ.
ހުކުރު ހޮނިހިރު ދުވަހުވެސް ޚާއްސަ ކުލާސްތަކެއް
މިޒާ ޓިއުޝަން ސެންޓަރުން ބޭނުންވަނީ ދަރިވަރުންނަށް ފިލާވަޅު ނަގައިގަނެވެންދެން ބުނެދިނުމެވެ. އެއްވެސް އެއްޗެއް ނޭނގިގެން ހުންނާކަށް ނުޖެހޭނެއެވެ. ސުވާލު ކުރުމުގެ ފުރުސަތު އޮވެއެވެ. ހުކުރު ހޮނިހިރު ދުވަހުވެސް ޚާއްސަ ކުލާސްތަކެއް ދަނީ ބާއްވަމުންނެވެ. މިގޮތުން ގްރޭޑް 9 އަދި 10 ގެ ކުދިންނަށް ޚާއްސަ ކޮށްގެން ބާއްވާ މި ކުލާސްތަކަކީ އޯލެވެލް ހަދާ ދަރިވަރުންނަށް ރަނގަޅު ނަތީޖާއެއް ހޯދައިދިނުމަށް އެހީތެރިކަން ފޯރުކޮށްދިނުމަށް ބާއްވާ ޚާއްސަ ކުލާސްތަކެކެވެ. ހުކުރު ހޮނިހިރު ދުވަހު މި ކުލާސްތަކަށް 3 ގަޑިއިރު ޚާއްސަކޮށްފައިވާއިރު ކިޔަވައިދެނީ ސްޓްރީމް 3 މާއްދާއާއި ހިސާބު މާއްދާއެވެ. މިއީ ދަރިވަރުންގެ މެދުގައި މަޤްބޫލު ކުލާސްތަކެކެވެ.
ދަރިވަރުންނަށް ރައްކާތެރި މާހައުލެއް
މިޒާ އިންސްޓިޓިއުޓްގެ ކުލާސް ރޫމުތައް ފަރުމާކޮށްފައިވަނީ ސީސީޓީވީ ހަރުކޮށް ދަރިވަރުންނަށް އެންމެ ރައްކާތެރި ގޮތަށެވެ. ކުލާހެއްގައި މަދު އަދަދެއްގެ ކުދިން ހިމަނަގެން ރަނގަޅަށް މޮނިޓަރ ކުރެވޭ ގޮތަށެވެ. ގިނަވެގެން ކުލާހެއްގައި 8 ކުދިން ތިބޭއިރު ސްމާޓް ޓީވީ އާއި އޭސީ ހުރެއެވެ.
ގްރޭޑް 1 އިން 12 އަށް ޓިއުޝަންދޭ މިޒާ ޓިއުޝަން ސެންޓަރުން ދަނީ އެތައް ސަތޭކަ ކުދިންނެއް ޓިއުޝަން ނަގަމުންނެވެ. ރަނގަޅު ނަތީޖާއާއި ހަމައަށް ވާސިލުވުމަށް މިޒާއިން އެ ފޯރުކޮށްދެނީ ފެންވަރު ރަނގަޅު ތަޢުލީމެވެ.
މިޒާގެ ޓިއުޝަން ސެންޓަރުތަކާއި ގުޅޭ އިތުރު މައުލޫމާތު ސާފުކުރުމަށް ގުޅާނީ 7333636 7333535 އާއި 7770953 މި ނަންބަރުތަކަށެވެ.
މިޒާގެ ފޭސްބުކް ޕޭޖް Miza Institute އިން ވެސް އިތުރު މައުލޫމާތު ލިބެން ހުންނާނެއެވެ.
