ލަންސިމޫ ގަހަކީ ފަތްތައް ހިމަދިގުކޮށް ކާސިންޖީގަހާ އެއްގޮތަކަށް ހުންނަ އާންމުކޮށް ދެމީޓަރުގެ އުސްމިނުގައި ހެދޭ ގަހެކެވެ. މި ގަހުގެ މޫތައް ބިމުގެ އަޑިއަށް 2-4 މީޓަރަށް ފައިބާ މުލުގައި އާދަޔާޚިލާފު މީރުވަހެއް ހުރެއެވެ.

ލަންސިމޫގަސް

މިގަހުގެމޫ ބޭނުންކޮށްގެން އުފައްދާ ތެލުން ރީތިވުމަށް ބޭނުންވާ ތަފާތު ބާވަތްތަކުގެ އެއްޗެހި ތައްޔާރުކޮށް އުޅެއެވެ. މީގެތެރޭގައި ސެންޓާއި، ސައިބޯނި އަދި ޝޭންޕޫ ފަދަ ތަކެތި ހިމެނެއެވެ.

މޫ ބޭނުންކޮށްގެން ތައްޔާރުކޮށްފައިވާ އަތުފަންކާއެއް

ރާއްޖޭގެ ބައެއް ރަށްތަކުގައި މެހުމާނުންނަށް ހަދިޔާ ދިނުމަށްޓަކައި މިގަހުގެމޫ ބޭނުންކޮށްގެން އަތުފަންކާވެސް ތައްޔާރުކޮށް އުޅެއެވެ. ލަންސިމުލުން ތައްޔާރުކުރާ މި ފަންކާއިން ވަރަށް މީރުވަސް ދުވާނެއެވެ.

ގައިގެ ހަންގަނޑުގައި ހެދިފައި ހުންނަ ލައްތަކާއި ސްޓްރެޗްމާކް، އަދި ހަންގަނޑުގެ އަނދާފައި ހުންނަ ތަންތަން ލަންސިމުލުގައި ހިމެނޭ 'ސިކޭޓްރިޒެންޓް' މާއްދާގެ އެހީގައި ނައްތާލެވެއެވެ. އަދި ލަންސިމުލުގައި ދުވާ މީރުވަހުގެ ސަބަބުން ހަށިގަނޑަށް ހިތްހަމަޖެހުން ލިބި ފަސޭހައިން ނިދުމަށްވެސް އެހީތެރިވެދޭކަމަށް ރިޕޯޓްތަކުގައި ފާހަގަކޮށްފައިވެއެވެ.

ލަންސިމުލުން ތައްޔާރުކޮށްފައިވާ ތެޔޮ

ލަންސިމުލުން އުފައްދާފައިވާ ތެޔޮ ބޭނުންކޮށްގެން ހަށިގަނޑު މަސާޖުވެސް ކުރެވިދާނެއެވެ.