މިއަހަރު ބޭއްވި 36 ވަނަ ޤައުމީ ޤުރުއާން ކިޔެވުމުގެ މުބާރާތުގައި 128 މުއައްސަސާއަކުން 992 ބައިވެރިން ވަނީ ކިޔަވާފައެވެ. މީގެތެރޭގައި ހިމެނެނީ ބަލައިގެން ކިޔެވުމުގެ ގޮފީގައި ކިޔެވި 579 ބައިވެރިންނާއި، ނުބަލާ ކިޔެވުމުގެ ގޮފީގައި ބައިވެރިވި 398 ބައިވެރިންގެ އިތުރުން ޙާފިޒުންގެ ގޮފިން 15 ބައިވެރިންނެވެ.
ޤުރްއާން ކިޔެވުމުގެ 36 ވަނަ ޤައުމީ މުބާރާތުގެ، ފަޚުރުވެރި އެއްވަނަ ލިބިފައިވަނީ ޔައީޝް މުޙައްމަދު ނިޔާޒްއާއި އައިޝަތު ޝައިބާ އާދަމްއާއި ފާތިމަތު ޝާޔާ ޒާހިރު އަށެވެ. އަދި މިހަފްލާގައި ހާފިޒުންގެ ތާޖު ލިބުނު ފަރާތްތަކަށް ތާޖު ވަނީ ހަވާލުކޮށްފައެވެ. މިރަސްމިއްޔާތު ޝަރަފުވެރިކޮށްދެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއެވެ. އަދ މި ރަސްމިއްޔާތުގައި ރައީސުލްޖުމްހޫރިއްޔާގެ ނައިބު އަލްއުސްތާޛު ހުސައިން މުޙައްމަދު ލަތީފްއާއި ވަޒީރުން ވަނީ ބައިވެރިވެވަޑައިގެންފައެވެ.
