ރާއްޖެއަށް ކުރަމުންދާ ވިއްސާރައިގައި މާލެއާއި ބައެއް ރަށްރަށުގައި ފެންބޮޑުވެ ބައެއް ގޭގެއަށް ވަނީ ފެނުގެ އަސަރުކޮށް ގެއްލުން ލިބިފައެވެ. މިގޮތުން ގެއްލުން ލިބުނު ގެތަކުން ވަގުތީހިޔާވަހިކަމަށް މީހުން ވަނީ ބަދަލުކޮށްފައެވެ. އަދި ކާބޯތަކެތި ވަނީ ފޯރުކޮށްދީފައެވެ. ފެން ހިންދުމުގެ މަސައްކަތް ސިފައިންނާއި ފުލުހުންގެ އިތުރުން ސަރުކާރުގެ މުއައްސަސާތައް ގުޅިގެން ވަނީ ކުރިއަށްގެންގޮސްފައެވެ. މާލޭގެ 25 ގެއެއްގައި 238 ވެލިބަސްތާ ޖަހައިފައިވާކަމަށް އެމްއެންޑީއެފް އިން ވަނީ މައުލޫމާތު ދީފައެވެ. މާލެއާއި ރަށްރަށުގެ މަގުތަކުން ފެންހިންދާ އާންމު ހާލަތަށް ވަނީ ގެނެވިފައެވެ.
Advertisement
