ހުޅުމާލޭގެ ފުރަތަމަ ފިޔަވަހީގައި ވެސް ރުއްގަނޑު1 އަދި ރުއްގަނޑު2 ގެ ނަމުން މަޝްހޫރު ސަރަހައްދުތަކެއް ހުރެއެވެ. މި ސަރަހައްދުގައި ތަފާތު ހަރަކާތްތައް ދަނީ ކުރިއަށް ގެންދަމުންނެވެ. ހުޅުމާލޭގެ ދެވަނަ ފިޔަވަހީގައި މީހުން އާބާދުވުމުން އެ ތަނުގައިވެސް ރުއްގަނޑުގެ ނަމުން ނަންދެވިފައިވާ ޚާއްސަ ސަރަހައްދެއް ވަނީ ގާއިމްކޮށްފައެވެ.
ހައުސިންގ ޑިވެލޮޕްމެންޓް ކޯޕަރޭޝަން (އެޗްޑީސީ) އިން މައުލޫމާތު ދޭގޮތުގައި ދެވަނަ ފިޔަވަހީގެ ރުއްގަނޑު ޚާއްސަކޮށްފައިވަނީ ކުޅިވަރު ހަރަކާތްތަކަށެވެ.
" މިތަނުގައި ބާއްވާ ކުޅިވަރުތަކަކީ އެޗްޑީސީ އާއި ގުޅިގެން ބާއްވާ ކުޅިވަރުތައް. ދާދިފަހުން ވަނީ ފައިގަތަޅާ ވެސް މިސަރަހައްދުގަ ބާއްވާފަ. ކުރިއަށް އޮތްތާގަ ވެސް މިފަދަ ތަފާތު ކުޅިވަރުތައް މިސަރަހައްދުގަ ބޭއްވުމަށް ވަނީ ނިންމާފަ". އެޗްޑީސީ އިން މައުލޫމާތު ދިނެވެ.
ދެވަނަ ފިޔަވަހީގެ ރުއްގަނޑު ކުއްޔަށް ދޫކުރުމަށް ހަމަޖެހިފައިވާއިރު، އެއްވެސް ކުޅިވަރެއް އިންތިޒާމް ކުރަން ބޭނުންވާނަމަ އެޗްޑީސީ އަށް ގުޅައިގެން ކުރިއަށް ގެންދެވިދާނެއެވެ.
