ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އިން ކުޑަކުދިންގެ ދުވަސް ފާހަގަކުރުމުގެ ގޮތުން އައިވީޗިލްޑްރަންސްޑޭގެ ނަމުގައި ކުޑަކުދިންގެ ހަވީރެއް ވަނީ ބާއްވާފައެވެ. އެސްޓީއޯ ޕީޕަލްސް ޗޮއިސް ގައި ތަފާތު ހަރަކާތްތަކާއެކު އިއްޔެ ހަވީރު ބޭއްވި މި ހަވީރުގައި ކުޑަކުދިންގެ މެދުގައި މަގުބޫލު ރޮބޯމޭން ވަނީ 'ޔޯގަޓް ޑްރިންކް'ގެ މުޅިން އާ ޕެކެޓެއް ދައްކާފައެވެ.
އެސްޓީއޯ އިން ބާޒާރަށް ނެެރެ ވިއްކަމުންދާ އައިވީ ޔޯގަޓް ޑްރިންކް އަކީ ކުޑަކުދިންނާއި ބޮޑެތި މީހުންނަށް ވެސް ޚާއްސަ، ސިއްޙަތަށް ފައިދާހުރި ގިނަ މާއްދާތަކެއް އެކުލެވޭ ޑްރިންކެއް ކަމަށް އެސްޓީއޯ އިން ވަނީ މައުލޫމާތު ދީފައެވެ. ކުޑަކުދިންގެ ހަވީރެއް ބޭއްވުމުގެ އިތުރުން އެސްޓީއޯ އިން ވަނީ އެކުންފުނީގެ އެކި ޑިޕާޓްމެންޓްތައް ޑެކަރޭޓްކޮށް މުވައްޒަފުންގެ ކުދިންނަށް މަސައްކަތުގެ މާހައުލު ދައްކާފައެވެ.
Advertisement
