ލޮނުލުނބޯ އަކީ އާންމުކޮށް 02 މީޓަރާއި 80 މީޓަރާ ދެމެދުގެ ފުންމިނުގެ ސަރަހައްދުތަކުގައި އުޅޭ މަހެކެވެ. މަތީގައި ރީނދޫ ކުލަ އަދި ތިރީގައި މުށި އަޅިކުލަ އަދި ހުދުކުލަ ވާގޮތަށް ހުންނަ މިމަހުގެ ބުރަކަށިމަތީ ކޮތަރި ބައިގައި 13 ހަރުކަށްޓާއެކު 12 ނުވަތަ 13 މަޑުކަށިހުރެއެވެ. ބަނޑުދަށް ފަރާތު ކޮތަރިބައިގައި 02 ހަރުކައްޓާއެކު 10 ނުވަތަ 12 މަޑުކަށި ހުރެއެވެ. މި މަސް އެންމެ ބޮޑުވަނީ 10.5 ސެންޓިމީޓަރަށެވެ.
މި މަހަކީ ރާއްޖޭގެ ފަޅުތަކުގައި އުޅޭ މަހެކެވެ. ދިވެހި މަސްވެރިން އެންދަމަން އުޅޭ އުޅުމުގައި މިބާވަތުގެ މަސް އެމާއެކު ހިފާއުޅެއެވެ. ނަމަވެސް މި މަސް އާންމުކޮށް ވަރަށް އަވަހަށް މަރުވާ ކަމަށް މަސްވެރިން ބުނެއުޅެއެވެ. މަސްވެރިކަމަށް އެންއުކާއިރު މިބާވަތުގެ މަސްވެސް އެމަށް އުކައެވެ. މި މަހަކީ ބައިހަދާފައި އުޅޭ މަހެކެވެ. މި މަހުގެ ކާނާ އަކީ މޫދުގައި ހުންނަ ފަނިފަކުސާ ފަދަ ތަކެއްޗެވެ.
މައުލޫމާތު: ފިޝްބޭސް
