މި އަހަރުގެ މަސް ރޭހަށް މުޅިން އަލަށް އުރީދޫ އެޕްގައި މަސް ރޭސް ޑިޖިޓަލް ގޭމް ތައާރަފްކޮށް، ރާއްޖޭގެ މަސްވެރިކަމަށް ލޯބިކުރާ ފަރާތްތަކަށް މުބާރާތުގެ އިތުރު ގޮތަކަށް ބައިވެރިވެވޭނެ މަގު ވަނީ ފަހިކޮށްދީފައެވެ. މިއަހަރުގެ އުރީދޫ މަސް ރޭހާއެކު ތައާރަފްކުރި މި ގޭމް 3 ސެޕްޓެމްބަރު 2025 ވާ ބުރާސްފަތި ދުވަހުގެ 23:59 އާ ހަމައަށް ލައިވްކޮށް ކޮންމެ ވަގުތެއްގައި ވެސް، ކޮންމެ ތަނެއްގައި ވެސް ކުޅެވޭނެއެވެ.
އުރީދޫ މަސް ރޭސް 2025 ގައި ވާދަކުރާ ހަގީގީ ޓީމުތަކުގެ ނަންތައް ހިމެނިފައިވާ މަސް ރޭހުގެ އޮންލައިން ވާޝަނާއެކު ކޮންމެ ފަރާތަކަށްވެސް ޓީމެއް އިޚްތިޔާރުކޮށް، މަސް ހިފުމަށް ޓެޕްކޮށް، ޕޮއިންޓް އެއްކޮށްގެން ލީޑަރބޯޑުގައި ކުރިއަށް ދިޔުމުގެ ފުރުސަތު ލިބިގެންދެއެވެ. ޑިޖިޓަލީ ބާނާ ކޮންމެ މަހަކަށް އެއް ޕޮއިންޓް ލިބޭއިރު، މުބާރާތުގެ މުއްދަތުގެ ތެރޭގައި ވެސް ކުޅުންތެރިންނަށް ލީޑަރބޯޑުގެ ކުރިއަށް އެރުމުގެ ފުރުސަތު ލިބިގެންދާނެއެވެ.
ރާއްޖޭގެ އެންމެ ބޮޑު ފިޝިން ޓެކްލް ފިހާރަ، ހައި ފިޝިން ޓެކްލްސްގެ ފަރާތުން މި ގޭމުގެ އެއްވަނަ، 2 ވަނަ އަދި 3 ވަނައަށްދާ ފަރާތްތަކަށް ވަނީ ޕްރިމިއަމް ފިޝިންގިއާ އިނާމުގެ ގޮތުގައި ހުށައަޅާފައެވެ.
1 ވަނަ: ޑައިވާ ސަލްޓިގާ 2025 ރީލް
2 ވަނަ އަދި 3 ވަނަ: ޕީއައިއޯ އަލްޓިމޭޓް ސީ ސްޕިރިޓް/ގޭންގްސްޓާ (އެޗް/ޑީ) ރޮޑްސް.
" އުރީދޫ އެޕް މެދުވެރިކޮށް ޑިޖިޓަލް މަސްރޭހުގައި ރާއްޖޭގެ ހުރިހާ ހިސާބަކުން ވެސް ހުރިހާ އެންމެންނަށް ބައިވެރިވުމުގެ ފުރުސަތު ފަހިކޮށްދިނުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެއް. މިއީ އަޅުގަނޑުމެންގެ ސަގާފަތާއި އާދަކާދަތަކާއި މަސްވެރިކަމަށް އޮތް ޝައުގުވެރިކަން ޑިޖިޓަލް ތަޖުރިބާއެއްގެ ސިފައިގާ ފޯރުކޮށްދިނުމަށް ކުރާ މަސައްކަތުގެ ތެރެއިން ކަމެއް". އުރީދޫއިން މައުލޫމާތު ދީފައިވެއެވެ.
ރާއްޖޭގައި މަސްވެރިކަމުގެ އާލާތްތައް ފޯރުކޮށްދޭ އެންމެ ބޮޑު ކުންފުނީގެ ހައިސިއްޔަތުން ހައި ފިޝިން ޓެކަލްސް އިން ބައިނަލްއަގުވާމީ ފެންވަރުގެ ބްރޭންޑްތައް ކަމަށްވާ ޑައިވާ، ޕެން، އަބޫ ގާސިއާ، ޔޯ-ޒޫރީ، ޒެނަކް، ޖިގިން މާސްޓާ، އޮކުމާ އަދި ޕަޔޯނިއާ ފަދަ ބްރޭންޑްތަކުގެ ފެންވަރު ރަނގަޅު ގިޔަރުތައް އަބަދުވެސް ފޯރުކޮށްދެ އެވެ.
ހައި ފިޝިންގގެ ޕްރައިވެޓް ލޭބަލް، ރަންކަރު އަކީ ދިވެހި މަސްވެރިންގެ މެދުގައި އިތުބާރު ކުރެވޭ ޗޮއިސްއެއްގެ ގޮތުގައި ހަލުވިކަމާއެކު މަޝްހޫރުކަން ހޯދާފައިވާ އިރު، ކުރިއަށް އޮތް ރަންކަރު އީ-ކެޓަލޮގްގައި މަސްވެރިކަމަށް ލޯބިކުރާ ހުރިހާ ފަރާތްތަކަށް ވެސް ފުޅާ ދާއިރާއެއްގައި އުފެއްދުންތައް ފެނިގެންދާނެކަމަށް އުރީދޫއިން ވަނީ މައުލޫމާތު ދީފައެވެ.
