އުރީދޫ މޯލްޑިވްސް އިން ސްމާޓް ވޮޗް ނުވަތަ އެޕަލް ގަޑި އާއި ސެމްސަންގް ގެލެކްސީ ގަޑިއަށް ތައާރަފްކުރި އީސިމް ހިދުމަތާއެކު، ފޯނާއި ނުލާ ރައްކާތެރިކަމާއެކު ކޮންމެ ތަނެއްގައި ހުރެގެން ވެސް ސީދާ ގަޑިން ފޯނުކޮށް މެސެޖުކުރެވޭގޮތަށް ވަނީ މަގުފަހި ވެފައެވެ.
އަތުކުރީގައި އޮންނަ ގަޑިއާއެކު ހެނދުނު ދުވުމަށް ނުކުތް ނަމަވެސް، ނުވަތަ ބިޒީ މަސައްކަތުގެ ދުވަހެއްގެ މެދުތެރޭގައި ވިޔަސް، ފޯނުކޮށް، މެސެޖް ފޮނުވުމާއި، މިއުޒިކް ސްޓްރީމްކޮށް، އެޕްލިކޭޝަންތައް ބޭނުން ކުރެވޭނެއެވެ. މުޅިން މިނިވަންކަމާއެކުއެވެ. އުރީދޫ ނެޓްވޯކާ ކޮންމެ ވަގުތަކު، ކޮންމެ ތަނެއްގައި ވެސް ގުޅިފައިވާކަން ޔަގީންކޮށްދެ އެވެ.
" ސްމާޓްވޮޗަށް އީސިމް އެކްޓިވޭޓް ކުރުމަކީ އަވަސް އަދި ފަސޭހަ ކަމެއް. ފިޒިކަލް ސިމް ކާޑެއް ނުވަތަ އެއްވެސް އިތުރު އެޕްލިކޭޝަނެއް މިކަމަކަށް ބޭނުމެއް ނުވޭ. އެޕަލް ގަޑި ނުވަތަ ސެމްސަންގް ގެލެކްސީ ގަޑި ފޯނާ ގުޅާލައި، ސްކްރީނުގައިވާ އިރުޝާދުތަކާ އެއްގޮތަށް އަމަލުކޮށް، އީސިމް ގަޑިއަށް އެކްޓިވޭޓް ކުރެވޭނެ. މި ހިދުމަތަކީ ހަމައެކަނި އުރީދޫ ނެޓްވޯކްގައި ފޯރުކޮށްދޭ ހިދުމަތެއް" އުރީދޫއިން މައުލޫމާތުދިނެވެ.
އުރީދޫގެ ސްމާޓްވޮޗް އީސިމްއާއެކު ދިރިއުޅުމުގެ ވައްޓަފާޅި އިތުރަށް ފަސޭހަވެ، ކޮންމެ ވަގުތަކުވެސް އަދި ކޮންމެ ތަނެއްގައިވެސް ގުޅުމުގެ މިނިވަންކަން ތަޖުރިބާ ކުރެވިދާނެއެވެ.
