ޢަދުލުވެރިވުމަކީ ވެރިމީހާގެ މައްޗަށް ލާޒިމު ކުރައްވާފައިވާ ކަމެއް!
އިންސާނުންނަށް ބޭނުންވާނޭ އެންމެ އަސާސީ ކަންތައްތަކުގެ ތެރޭގައި ޢަދުލުވެރިކަންވެއެވެ. ޢަދުލުވެރިކަމަކީ ދިރިއުޅުމާއި މުޖުތަމަޢު ބިނާކުރުމުގެ އަސާސެވެ. ވީމާ ޢަދުލުވެރިކަމަކީ ފަރުދީ ޙަޔާތާއި، މުޖުތަމަޢު ބިނާކުރުމުގެ އަޞްލެވެ. ކީރިތި ޤުރްއާނުގެ އެތައް އާޔަތެއްގައި ޢަދުލުވެރިވުމަށް އަމުރުކުރައްވާ ވަޙީބަސްފުޅު އައިސްފައިވެއެވެ. މާތްﷲ ގެ ރަސޫލުންނާއި ނަބިއްޔުން ފޮނުއްވުމުގެ ބޭނުމަކީ މީސްތަކުންނަށް ތެދުމަގު ދެއްކެވުމާއި، ޢަދުލު އިންޞާފު ޤާއިމުކުރުމެވެ. ޢަދުލު އިންޞާފު ޤާއިމުކުރުމަށް އަމުރުކުރައްވައި މާތްﷲ ވަޙީކުރައްވާފައިވާ ބަސްފުޅެއްގެ މާނައިގައިވަނީ: "ހަމަކަށަވަރުން، ފާޅުވެގެންވާ ހެކިތަކާއެކު ތިމަންރަސްކަލާނގެ ރަސޫލުން ފޮނުއްވީމެވެ. އަދި އެ […]
