ގިނަ ދަރިން ހޯދުމަށް ބާރުއަޅާއިރު ބޯހިޔާވަހިކަމެއް ނެތް! ފުލެޓު ގަނެވެން ނެތް!
ދިވެހިރާއްޖޭގެ އާބާދީ އެކަށީގެންވާ މިންވަރަށް އިތުރު ނުވާކަމަށް ފަހަކަށް އައިސް ސަރުކާރުގެ ބައެއް އިސްވެރިންގެ ވާހަކައިގައިވެސް ފާހަގަކޮށްފައިވެއެވެ. އެކަމަކު އާބާދީ އިތުރު ނުވާ އެންމެ ބޮޑު އެއް ސަބަބަކީ ބޯހިޔާވަހިކަމުގެ މައްސަލަކަމަށް ދެކޭ މީހުން ގިނައެވެ. ރައްޔިތުންގެ މަޖިލީހުގެ އިއްޔެގެ ޖަލްސާގައި ހުށަހެޅިފައިވާ ބިލަކާއި ގުޅޭގޮތުން ކުރިއަށްގެންދިޔަ ބަހުސްގައި ބާރަށު ދާއިރާގެ މެންބަރު އިބްރާހީމް ޝުޖާއު ވެސް ވަނީ ދިވެހިރާއްޖޭގެ އާބާދީ އޮތީ ހިފެހެއްޓިފައި ކަމަށް ވިދާޅުވެފައެވެ. "އިތުރެއް ނުވޭ. އަޅުގަނޑުމެންގެ ޒުވާން އާބާދީއެއް އެބަ ބޭނުންވޭ. […]
