ވާހަކަ: އޭނާ (ތިރީސްއަށްވަނަބައި)
އަމީނާގެ މަންމަ ހުރީ ވަރަށް ބިރުގަނެފައެވެ. އަމީނާގެ ހާލަތު ދުވަހުން ދުވަހަށް ގޯސްވަމުން ދިޔައެވެ. ބައެއްފަހަރު އޭނާ ކޮޓަރިތެރޭގައި އެކަނި އިނދެފަ ބިރުވެރި އަޑަކުން ހަޅޭއްލަވަނީއެވެ. "ނުފެނޭތަ؟ އޭތި މިތަނުގައި އެބައޮތް" އަމީނާގެ އަޑު ނުކުންނަނީ އޭނާއަށް ނިސްބަތްނުވާފަދަ ބަރުއަޑެކެވެ. އަމީނާގެ މަންމަގެ ހިތް ކުދިކުދިވިއެވެ. އަމީނާއަށް ކުރިމަތިވެފައިވާ ބިރުވެރިކަން އޭނާއަށް އެނގުނެވެ. އެއީ އޭނާ ކޮށްފައިވާ ކުށެއްގެ ސަބަބުން ދަރިފުޅަށް ކުރިމަތިވި ހިތާމަ ކަމަށް އޭނާ ގަބޫލުކުރިއެވެ. ރަށުގެ އެކި ހިސާބުތަކުން މީހުން މަރުވާ ވާހަކަ […]
