ދުނިޔޭގެ ފުޓްބޯޅައިގެ މައި ޖަމްއިއްޔާ 'އިންޓަނޭޝަނަލް ފެޑެރޭޝަން އޮފް އެސޯސިއޭޝަން ފުޓްބޯލް' (ފީފާ) ގެ ރައީސް ޖިއަނީ އިންފަންޓީނޯ ރާއްޖެއަށް ކުރެއްވި ޒިޔާރަތުގެ ތެރެއިން މިއަދު ވަނީ ޤައުމީ ދަނޑުގައި ޚާއްސަ ފުޓްބޯޅަ މެޗެއް ކުޅެފައެވެ. މި މެޗުގައި ފީފާގެ ރައީސާއެކު ރާއްޖޭގެ ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވެސް ވަނީ ބައިވެރިވެޑައިގެންފައެވެ. ރާއްޖޭގެ ކުލަބުތަކާއި އެކަޑަމީތަކުގެ ޒުވާން ކުޅުންތެރިން ދަނޑަށް ދިޔައިރު މިއަދުގެ ޚާއްސަ މެޗުގައި ނައިބު ރައީސްގެ އިތުރުން ސަރުކާރުގެ ބައެއް އިސްވެރިން ވަނީ ބައިވެރިވެފައެވެ. މިމެޗު 4-6 އިން ކާމިޔާބު ކުރީ ފީފާގެ ޓީމެވެ.